Connect with us
Pakote Ahi

Defeza & Seguransa

SIKN Prende Matéria Droga Kilograma 6,70 hosi Colómbia

Published

on

Hatutan.com, (23 Dezembru 2021), Díli-Komandu Polísia Nasional Timor-Leste (PNTL) liuhosi unidade Servisu Investigasaun Kriminál Nasionál (SIKN), prende matéria droga ho kuantidade hamutuk kilograma 6,70 ne’ebé ema importa hosi Colombia mai Timor-Leste.

Investigadór SIKN, Inspetór Xefe Polísia, Mouzinho T. Correia. Foto/Hatutan.com

Matéria droga sira ne’e, Polísia-SIKN  prende dezde tinan 2012, ne’ebé tranzita hosi rai Colómbia, liuhosi Aeroportu Singapura, no liu mai Timor-Leste, iha Aeroportu Internasionál Nicolau Lobato, Comoro, Díli.

Apreensaun iha faze primeiru ho kuantidade kilograma tolu (3), faze segundu nian mak halo apreensaun ba droga ho kuantidade kilograma 3,70

“Dezde iha 2012, droga mai ho kuantidade boot, entaun tama liuhosi ita nia aeroportu. Ne’ebé hanesan iha 2012, iha dala-hira kedas ita hetan ida ho kilograma tolu no seluk fali kilograma  3,70, hosi Colómbia hotu. Sira tránzitu hosi Aeroportu Singapura, depois Singapura diretamente mai iha Díli,” Investigadór SIKN, Inspetór Xefe Polísia, Mouzinho T. Correia, informa ba Hatutan.com, iha kna’ar fatin, Kuartél Jerál PNTL, Caicoli, Díli, Kinta (23/12/2021).

Advertisement

Iha tinan 2019 sira konsege prende tán matéria báziku balu ne’ebé deskonfia nu’udár droga, ho kuantidade hamutuk kilograma 206,95 ne’ebé mak hatama hosi kompañia nasionál ida, tau iha saka laran. Maibé kompañia na’in rasik laiha koñesimentu, katak droga iha laran.

Inspetór Xefe Polísia, Mouzinho T. Correia, katak, material báziku ne’ebé sira importa, bele utiliza ba halo produsaun no ai-moruk, liu-liu ba ai-moruk sira ne’ebé mak iha relasaun ho fotypoof, morfil nian.

Kazu droga ida seluk ne’ebé SIKN prende ikus liu maka, iha loron 07 fulan-Janeiru 2021, relasiona ho sabu-sabu, ho kuantidade kilograma 3.235 ne’ebé mak halo apreensaun iha Aeroportu Prezidente Nicolau Lobato.

“Kazu ne’e, ema li’ur ne’ebá, ema Áfrika ne’ebé  manda liuhosi mákina karreta nian. Maibé, ema ne’ebé simu Timoroan. Tanba ne’e maka ita foti ema ne’ebé simu, sai arguidu ba kazu ida-ne’e. Agora, sei iha prizaun preventiva,” nia hateten.

Tuir prosedimentu, kualkér modus droga ne’ebé tama mai TL, parte relevante sira ba krime transnasionál ninian, tenke submete kedas ba ezaminasaun hodi bele deteta, no hafoin lori ba halo destruisaun. Ho nune’e,  iha 2020, SIKN destrui matéria báziku iha kontentór sia (9) ne’ebé hatama liuhosi Portu Díli no 2021, destrui tán saka ualu (8) hosi Aeroportu Internasionál Prezidente Nicolau Lobato.

Advertisement

“Matéria báziku rua ne’ebé ita hetan ne’e, halo destruisaun. Ida  kontentór sia  ne’e, halo destruisaun iha 2020. Agora, saka ualu ne’e maka foin halo iha semana kotuk iha loron 18 fulan-Dezembru, tinan ida ne’e,” Mouzinho Correia hateten.

Tuir loloos, droga ho matéria báziku sira ne’e, nia destinasaun finál, la’ós mai TL, maibé ema uza Timor sai hanesan fatin ba  tránzitu hodi hatama substánsia sira-ne’e ba iha Indonézia, no mós Austrália. Tanba nasaun rua ne’e sai hanesan nasaun ne’ebé iha merkadu potensiál boot no besik liu TL.

Inspetór Xefe Polísia, Mouzinho Correia, afirma katak, razaun TL nia sistema detensaun sei fraku, tanba iha kazu barak mak akontese ona iha fronteira terrestre, Portu no Aeroportu sira, la konsege deteta, hodi ikus mai ema bele tama no bele sai.

Razaun seluk ne’ebé, ema uza Timor hodi sai hanesan fatin ba hatama droga, tanba lejizlasaun Timor nian ladún iha pena todan, kompara ho Indonézia. Tanba iha Indonézia, bainhira akontese kazu ka krime droga, ema aplika pena de morte.

Prosedimentu ka meiu sira ne’ebé SIKN utiliza hodi halo deteta droga maka, uza sistema undercover, katak servisu intelijénsia no vijilánsia ba área sira ne’ebé deskonfia iha poténsia atu trafikante sira hatama droga, tanba TL sei frajil iha sistema detensaun ne’ebé utiliza teknolojia avansadu liu.

Advertisement

“Prosedimentu segunda maka, porezemplu, ida fali akontesimentu iha fronteira Motain, frakeza ne’e hosi ita nian. Tanba bainhira ita halo desizaun, klaru katak ita nia mákina aparellu iha ne’ebá ne’e, konsege haree katak, iha falun balu ne’ebé mak hetan iha mákina imprime nia laran. Mais agora, tanba sira-nia hanoin ne’e ladún kro’át, ladun tau atensaun, entaun sira liu de’it ba Indonézia. Sé ita iha hanoin ne’ebé krítiku, ita bele hanoin katak halo nusa mak ema bele rai batar musan ba iha mákina printer ne’e laran,” nia esplika.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Vizita Papa Francisco, Seguransa Preparadu no Garantidu

Published

on

Hatutan.com, (16 Abríl 2024), DíliIX Governu Konstitusionál garante sei fó seguransa másimu durante loron tolu vizita Papa Francisco iha Timor-Leste (TL).

(more…)

Kontinua Le'e

Defeza & Seguransa

Governu Tenke Konsidera Kompeténsia Xefe Estadu iha Kooperasaun Internasionál Kuadru Defeza

Published

on

Hatutan.com, (16 Abríl 2024), DíliPrezidente Repúblika (PR), José Ramos-Horta husu Governu tenke tau konsiderasaun bá buat balun kona-bá kompeténsia Xefe Estadu nian iha kooperasaun internasionál kuadru defeza.

(more…)

Kontinua Le'e

Defeza & Seguransa

Membru UPM Na’in-50 Deklara Husik GAM-GAR

Published

on

Hatutan.com, (15 Abríl 2024), Díli—Polísia Nasionál Timor-Leste (PNTL) liu hosi Unidade Polisia Marítima (UPM) nia membru hamutuk na’in-50, deklara sai hosi orgazanizsaun Grupu Arte Marsiál (GAM) ho Grupu Arte Rituál (GAR), no jura bá bandeira lulik RDTL atu serví de’it povu no rai doben Timor-Leste.

(more…)

Kontinua Le'e
Advertisement

Trending