Hatutan.com, (27 Dezembru 2021), Díli—Inundasaun ne’ebé akontese iha nasaun Malázia to’o Sábadu (25/12/2021) rezulta ema na’in 46 mak mate, na’in-lima lakon seidauk hetan, no ema na’in 50.000 salva aan iha fatin refujiadu.
Abitante ida ne’ebé inundasaun izola nia iha loja nia oin, no hein hela ajudu, iha Kuala Lumpur, Malazia, Domigu (19/12/2021). Foto/AP PHOTO/VINCENT THIAN.
Hatutan.com sita publikasaun hosi Kompas.com katak, inundasaun ba dala ida-ne’e iha Malázia nu’udár inundasaun ne’ebé grave liu iha tinan sira ikus ne’e. Desde selebrasaun Natál, ekipa hosi parte relevante sira kontinua hala’o limpeza jerál to’o oras ne’e.
Inspetór Jenerál Polísia Acryl Sani Abdullah Sani, informa hosi númeru vítima maioria maihosi paret Sidade Selangor ho Pahang.
Advertisement
Númeru refujiadu hamutuk ema na’in 54.532 ne’ebé sei iha hela sentru akollamentu hamutuk 300 no dalan protokolu 68 to’o agora sei taka hela ba movimentu tanba inundasaun.
Desde 2014 to’o 2021, Malázia sempre enfrenta inundasaun durante tempu udan, maibé inundasaun ne’ebé akontese iha fim semana kotuk, hanesan inundasaun ne’ebé grave liu. (**Am)