Francisco Kalbuadi Lay iha Kongresu FFTL, 26 Fevereiru 2022. Foto/Hatutan.com
Razaun husi Francisco Kalbuadi Lay nia rezignasaun ne’e tamba iha primeira ronde eleisaun FFTL hetan de’it votu lima (5) husi kongresista 21 enkuantu adversáriu rua seluk; hanesan Nilton Gusmão Santos hetan votu hitu (7) no Francisco Jerónimo hetan votu sia (9).
Francisco Kalbuadi Lay ba kongresista sira iha Hotel Novo Turismo Díli, Sábadu (26/02/2022), hateten nia fó oportunidade ba kandidatu rua seluk atu kompete.
Advertisement
“Ha’u sai husi kandidatura no fó oportunidade ba Nilton Gusmão no Francisco Jerónimo hodi kompete,” Francisco Kalbuadi Lay hateten.
Iha parte seluk ekipa susesu Francisco Kalbuadi Lay deside hodi fó apoiu ba Nilton Gusmão.