Justisa & Krime

DP Husu Tribunál Absolve MC Hosi Krime Abuzu Seksuál ba Menór

Published

on

Hatutan.com (01 Marsu 2022), Díli—Tribunál Distritál Díli (TDD) liu hosi Defensór Públiku (DP) Marçal Marscarinhas husu ba TDD atu absolve nia kliente arguidu MC hosi krime abuzu seksuál ba menór, tanba provas la sufisiente bazeia ba sasin sira nia deklarasaun ne’ebé la han-malu ho lezada nia deklarasaun.

Iha alegasaun Ministériu Públiku (MP) ne’ebé reprezenta hosi Prokuradora Benvinda do Rosário mós afavór ba arguidu hodi husu ba Tribunál atu fó pena bazeia ba konviksaun, tanba laiha provas atu suporta arguidu nia hahalok, maske lezada hanesan arguidu nia subriña deklara arguidu halo violasaun seksuál hasoru lezada iha momentu arguidu haruka lezada foti gayung.

MP konsidera laiha provas atu haforsa lezada nia deklarasaun tanba bazeia ba sasin nia deklarasaun katak hafoin arguidu haruka lezada foti gayung arguidu la halo violasaun seksuál hasoru lezada, tanba momentu ne’ebá sasin mós haree ho matan.

Advertisement

Ministériu Públiku (MP) akuza arguidu ba pratika krime abuzu seksuál ba menór ne’ebé previstu iha artigu 177 hosi kódigu penál Timor Leste, tanba deskonfia halo ona violasaun seksuál hasoru nia subriña ne’ebé durante ne’e hela hamutuk ho arguidu.

Audiénsia julgamentu iha Tersa loron 01 fulan ne’e, prezide hosi juiz kolektivu Alvaro Maria Freitas, José Gonçalves, Argentino Nunes, MP reprezenta hosi Prokuradora Benvinda do Rosário no arguidu hetan asisténsia leg’al hosi Defensór Públiku Marçal Marcarinhas.

Jornalista: Carmelita Isaac

Advertisement

Husik Hela Komentariu

Your email address will not be published. Required fields are marked *

Trending

Exit mobile version