PNTL Bobonaro Enfrenta Difikuldade Transporte

Hatutan.com, (06 Marsu 2022), Díli- Polísia Nasionál Timor Leste (PNTL) munisípiu Bobonaro enfrenta difikuldade ho transporte atu bele asegura servisu operasaun iha terrenu.

Notísia iha Relasaun: UPM Detein Sidadaun Indonézia Ida Peska Ilegál iha Palaka

Komandante PNTL munisípiu Bobonaruo, Superintendente Polísia Antoninho Mauluta. Foto/Hatutan.com

Komandante PNTL munisípiu Bobonaruo, Superintendente Polísia Antoninho Mauluta, ba Hatutan.com iha Komandu PNTL Maliana, Sábadu (05/03/2022), hateten, viatura sira (motor ho karreta) ne’ebé Governu atrbui ba PNTL Bobonaro maioria  avaria. Tanba ne’e, defisil tebes atu PNTL Bobonaro halo operasaun tama-sai zona sira ne’ebé pertense ba munisípiu Bobonaro.

“Situasaun ne’e obriga komandu tenke halo esforsu ho rekursu ne’ebé iha hodi garante siguransa durante períodu kampaña eleitorál husi kandidatu sira to’o loron eleisaun no apuramentu munisipál to’o iha nasionál hodi garante estabilidade nasional too prezidente republika foun eleitu,” Antoninho Mauluta hateten.

Maske ho difikuldade iha parte transporte, siguransa jeralmente iha munisípiu Bobonaro la’o hodi’ak tamba hetan kooperasaun di’ak husi komunidade, aturidade lokál no entidade sivíl no militár sira hotu.

Jornalista: Vito Salvador