Nasionál
Naran Tama Iha Lista Remodelasaun, Ministru Manuel Cárceres Kontinua Servisu To’o Loron Ikus
Hatutan.com (11 Marsu 2022), Dili– Maske naran tama iha lista remodelasaun ka atu troka, maibé Ministru Justisa (MJ), Manuel Cárceres da Costa, kontinua servisu ho responsabilidade to’o loron ikus nia husik kargu Ministériu Justisa.
Notísia iha Relasaun: Up-date Remodelasaun, PM Taur “Sei Labook” Membru Governu FRETILIN-KHUNTO
Ministru Justisa, Manuel Cárceres. Foto/Media MJ
“Ha’u prontu atu mai MJ hodi servisu to’o loron ikus no ha’u nia responsabilidade no dedikasaun sei la kuran, tanba ha’u moris mai la’ós atu sai ministru, maibé sai ministru ne’e hanesan oportunidade atu serve no servisu halo di’ak no ha’u nia kompromisu maka kaundu sai ministru prontu servisu,” Ministru Manuel Cárceres da Costa hateten hodi responde jornalista iha ámbitu lansamentu Manuel Guarda Prizional iha edifísiu MJ, Dili, Sesta (11/3/2022).
Kona-ba Ministru Manuel Cárceres mós tama iha lista remodelasaun no husu atu submeter rejignasaun molok remodelasaun, Cárceres ho hamanasa hodi hateten katak to’o ohin loron nia sei asume knar hanesan membru Governu no MJ tanba ne’e nia parte kontinua servisu ho responsabilidade.
Jornalista: Carmelita Isaac