Hatutan.com, (21 Marsu 2022), Díli—Prezidente Repúblika (PR), Francisco Guterres Lú Olo, liuhosi Dekretu Prezidente Repúblika nomeia membru VIII Governu Konstitusionál na’in-haat.
Palásiu Prezidente. Foto/Hatutan.com.
Prezidente Repúblika uza nia kompeténsia konstitusionál tuir artigu 106 númeru 2 halo nomeasaun ba membru Governu bazeia ba proposta hosi Primeiru Ministru (PM), Taur Matan Ruak.
Notisia iha Relasaun:Up-date Remodelasaun, PM Taur “Sei Labook” Membru Governu FRETILIN-KHUNTO
Tuir artigu 86 alinea h) Konstituisaun Repúblika Demokrátika Timor-Leste hateten katak, Prezidente Repúblika mak iha kompeténsia atu nomeia, fó posse no ezonera membru Governu, tuir proposta hosi Primeiru Ministru.
Membru Governu na’in-haat ne’ebé hetan nomeasaun hosi Prezidente Repúblika mak hanesan tuirmai ne’e:
1.Ministru Obras Públikas (MOP, Abel Pires da Silva
2.Ministru Justisa (MJ), Tiago Amaral Sarmento
3.Vise-Ministru Finansas, António Freitas
4.Sekretáriu Estadu ba Assuntus Kombatentes Libertasaun Nasionál, Júlio da Conceição ‘Loro Messak’
Prezidente Repúblika, Franciso Guterres Lú Olo, sei fó posse ba membru Governu na’in-haat iha Tersa feira, 22 Marsu 2020, tuku 09.30, iha Palásiu Prezidensiál Nicolau Lobato.
Molok halo nomeasaun ba membru Governu na’in-haat, tuir proposta hosi Primeiru Ministru, Prezidente Repúblika liuhosi Dekretu Prezidente Repúblika ezonera:
1.Ministru Obras Púbilkas, Salvador Eugénio Soares dos Reis Pires
2.Ministru Justisa, Manuel Cárceres da Costa
3.Vise-Ministra Finansas, Sara Lobo Brites
4.Sekretáriu Estadu ba Assuntus Kombatentes Libertasaun Nasionál, Gil da Costa Monteiro ‘Oan Soru’
Jornalista: Vito Salvadór