Justisa & Krime
Xanana Gusmão Presta Deklarasaun iha MP Hanesan Sasin
Hatutan.com, (21 Marsu 2022), Díli—Lider Karismátiku, Kay Rala Xanana Gusmão marka prezensa iha Ministériu Públiku (MP), iha tuku 9:00 Oras Timor Leste, hodi fó ninia deklarasaun hanesan sasin ba krime korrupsaun balun.
Líder Karismátiku, Kay Rala Xanana Gusmão iha MP, Segunda (21/03/2022). Foto/MP.
“Nu’udár sidadaun ha’u mai kumpri obrigasaun hodi responde ba xamamentu hosi Ministériu Públiku liu hosi Prokuradór nu’udár sasin. Maibé imi hotu hatene katak, buat hirak hanesan ne’e iha segredu Estadu,” Kay Rala Xanana Gusmão hateten ba jornalista sira hafoin presta deklarasaun iha edifísiu PJR, Colmera, Segunda (21/03/2022).
Maski la esplika detalla kona-bá kazu ne’e, maibé prezensa líder Karismátiku ne’e hodi presta deklarasaun hanesan sasin ba krime korrupsaun balun.
Tuir observasaun Hatutan.com, prezensa Kay Rala Xanana Gusmão nian iha Prokuradoria Jeral Republika (PJR), durante oras ida.
Jornalista: Carmelita Isaac