CNE Verifika Urna Tolu Husi Austrália

Hatutan.com (25 Marsu 2021) Dili- Comissão Nacional de Eleições (CNE), Sesta (25/03/2022), tuku 09:00 Otl, hahú verifika urna tolu husi Austrália.

Notísia iha Relasaun: Oras 72 Ba CNE Verifika Votu Nulu, Reklamadu no Branku Molok Submete Ba TR

Urna tolu refere kompostu husi sentru votasaun tolu iha Austrália hanesan Melbourne, Darwin no Sydney.

Edifísiu CNE. Foto/Hatutan.com.

“Embaixada servisu hamutuk ho konsul fatin tolu hanesan iha Melbourne, Darwin no Sidney fó akompañamentu másimu iha eleisaun no iha sentru votasaun, maibé taxa partisipasaun maka tun tanba iha períodu ne’ebé difisil ba STAE atu halo resenseamentu tanba ne’e barak maka la vota tanba maske hela iha Austrália, maibé enderesu iha Timor nune’e labele vota tuir lei eleitoral,” responsavel sentru votasaun iha Melbourne Austrália, Samuel Soares ba Hatutan.com hafoin entrega urnas ba CNE iha Dili.

Difikuldade ne’ebé ekipa STAE no CNE enfrenta maka eleitór barak maka la informadu kona-bá sira bele vota iha Austrália ka vota iha Timor, tanba balun kartaun eleitoral enderesu iha Timor, maibé bainhira ba iha sentru votasaun labele vota tanba lei eleitoral la fó dalan.

Eleitór timoroan iha Austrália hamutuk 1.483 kompostu husi iha Darwin  na’in-307, Melbourne na’in-352 no Sydney  na’in-828.

Tuir ajenda hafoin kompleta horas 72 apuramentu nasionál CNE sei submete hikas akta ba Tribunal Rekursu (TR) hodi haree no deside validade husi akta refere.

 Jornalista: Carmelita Isaac