Nasionál
PR Lú Olo Sei Hala’o Tratamentu Saúde iha Malázia
Hatutan.com, (05 Maiu 2022), Díli— Prezidente Repúblika (PR), Francisco Guterres Lú Olo, aban, sei ba Kuala Lumpur, Malázia atu hala’o tratamentu saúde.
Prezidente Repúblika, Francisco Guterres Lú Olo. Foto/Média PR.
“Prezidente Repúblika iha ninia karta ba Prezidente Parlamentu Nasionál, Aniceto Guterres, iha 04 Maiu, hateten katak sei auzente hosi territóriu nasionál ho motivu asisténsia médika,” Hatutan.com sita komunikadu hosi Palásiu Prezidensiál Nicolau Lobato, Díli, (05/05/2022).
Turi planu, Xefe Estadu ne’e sei hala’o tratamentu saude iha nasaun Malázia entre loron 6 to’o lorom 13 fulan Maiu tinan 2022.
Tuir Konstituisaun artigu 80, konjuda ho artigu 10 hosi Estatu Titulares Órgaun Soberania, Prezidente Repúblika, fó koñesimentu ba Parlamentu Nasionál molok husik territóriu nasionál.
Jornalista: Vito Salvadór