Justisa & Krime
MAPKOMS Halo Keixa “Denúncia caluniosa” Hasoru Xefe Redasaun Hatutan.com
Hatutan.com, (23 Maiu 2022), Díli—Jornalista nu’udár mós Xefe Redasaun Hatutan.com, Francisco Belo Simões da Costa, Segunda (23/05/2022), presta ona deklarasaun iha Ministériu Públiku (MP) ka Prokuradoria Distritál Díli, kona-bá keixa balun ne’ebé hatama husi Francisco Martins da Costa Pereira Jerónimo, atuál Ministru Asuntu Parlamentár no Komunikasaun Sosiál (MAPKOMS).
Jornalista nu’udár mós Xefe Redasaun Hatutan.com, Francisco Belo Simões da Costa. Foto/Hatutan.com.
Atuál membru Conselho de Imprensa de Timor Leste ne’e to’o iha Edifísiu Prokuradoria Distritál Díli iha área Matadoru, tuku 8.30 Otl no submete bá presta deklarasaun iha tuku 09:00 Otl to’o tuku 09:36 Otl.
Lee Mós: Deskonfia, MAPKOMS Nu’udar Prezidente FFTL Fó Projetu iha RTTL,E.P Ba Sekretaria FFTL
Francisco Belo Simões da Costa, simu notifikasaun husi MP iha loron 18 fulan-Maiu 2022, bá prosesu NUC 0078/22/PCCIC, hanesan suspeitu ho notifikasaun kona-bá Dilijénsia.
Francisco Martins da Costa Pereira Jerónimo, atuál Ministru MAPKOMS hatama keixa kontra Francisco Belo Simões da Costa nu’udár jornalista no Xefe Redasaun Hatutan.com relasiona ho notísia sira kona-bá projetu instalasaun Set-top Box/dexodificador Rádiu Televizaun Timor Leste, Empreza Públika (RTTL,E.P).
Keixa hosi Ministru MAPKOMS, Francisco Martins da Costa Pereira Jerónimo ne’e ho baze Artigu 285 Hatada Haneur (difamatória) ka ho portugés dehan “Denúncia caluniosa”.
Artigu 285 Hatada Haneur (difamatória)
1 – Sé mak husi kualkér meiu iha autoridade ka públiku nia oin ho konxiénsia hadu’u falsu, denunsia ka soe kona-ba ema ruma no suspeita halo krime ida, ho intensaun katak hasoru nia sei loke lala’ok kriminál, sei tama kalabosu to’o tinan 3 ka kastigu selu osan.
2 – Enkuantu hadu’u falsu reflete kona-ba infrasaun ka dixiplinár, pena bele hakmaan hanesan baibain.
3 – Enkuantu faktu sira ne’ebé hakerek tiha iha artigu sira anteriór promove tiha ho neon-aat husi funsionáriu makaer ruma atu loke lala’ok ne’e maka aplikasaun pena sira sei hatodan husi katoluk ida iha nia limite sira mínimu no másimu.
Versaun Portugés (Artigo 285º Denúncia caluniosa)
- Quem, por qualquer meio, perante autoridade ou publicamente, com a consciência da falsidade da imputação, denunciar ou lançar sobre determinada pessoa a suspeita da prática de um crime, com a intenção de que contra ela se instaure procedimento criminal, é punido com pena de prisão até 3 anos ou multa.
- Se a falsa imputação se referir a ilícito contraordenacional ou disciplinar, a pena será extraordinariamente atenuada.
- Se os factos descritos nos números anteriores forem dolosamente promovidos por algum funcionário encarregado de instaurar o respectivo procedimento as penas aplicáveis são agravadas de um terço nos seus limites mínimo e máximo.
Lee Mós:
CAC Submete Ona Kazu Projetu Set top Box RTTL,E P Bá Ministériu Públiku
CEPAD Husu Ministériu Públiku Imparsiál iha Investigasaun ba Kazu Projetu Set Top Box RTTL,E P
JSMP Husu MP Nakloke Ba Públiku Kona-bá Kazu Set-top Box RTTL,E.P
Direitu Bá Resposta Husi MAPKOMS Kona-bá Projetu Intalasaun Set-top Box RTTL,E.P
Akadémiku Husu MP Labele “Budu” Kazu Set-top Box RTTL,E.P
HAK Sujere Ba PDHJ Atu Ajuda MP Aselera Kazu Set-top Box RTTL,E.P
Projetu Set-top Box RTTL,E.P, MAPKOMS Prontu Ba Hatán iha Tribunál
Kazu Projetu Set-top Box RTTL,E.P, CAC Bolu Ona Sasin Husi MAPKOMS ho RTTL
Prezidente RTTL,E.P La Fó Komentáriu Ba Projetu Instalasaun Set-top Box RTTL,E.P.
Kazu projetu instalasaun set-top Box/ Prezidente RTTL,E.P presta deklarasaun iha CAC
Jornalista: Cipriano Colo