Justisa & Krime
CAC Rejista Ona Deklarante Rendimentu, Bens no Interese Na’in 5.053
Hatutan.com (01 Juñu 2022), Díli—Ekipa Responsavel Deklarasaun Rendimentu, Bens no Interese (DRBI), ne’ebé lidera hosi Xefe Unidade Inspeksaun no Monitorizasaun Antonino Alves, hamutuk ho Espesialista Anti-Korrupsaun (EAK) na’in-lima relata progresu servisu DRBI nian durante fulan tolu (3) ba Líder Másimu Comissão Anti-Corrupção (CAC) Komisáriu Sérgio Hornai hamutuk ho Komisáriu Adjuntu Augusto Castro no Adjuntu Luis Sampaio.
Ekipa Responsavel Deklarasaun Rendimentu, Bens no Interese (DRBI), ne’ebé lidera hosi Xefe Unidade Inspeksaun no Monitorizasaun Antonino Alves, hamutuk ho Espesialista Anti-Korrupsaun (EAK) na’in-lima relata progresu servisu DRBI nian durante fulan tolu (3) ba Líder Másimu Comissão Anti-Corrupção (CAC) Komisáriu Sérgio Hornai hamutuk ho Komisáriu Adjuntu Augusto Castro no Adjuntu Luis Sampaio.Foto/CAC.
Ekipa Responsável DRBI atualiza evolusaun servisu Deklarasaun Rendimentu, Bens no Interese kona-bá dadus arrolamentu deklarante no agregadu familiár ninian no dadus prestadu Sistema DRBI.
Lee Mós: CAC Ofisialmente Utiliza Sistema Plataforma Online bá Deklarasaun Riku-soin
Ekipa atualiza dadus arolamentu ba deklarante ho nia membru agregadu familiár nian iha tinan 2021 ho totál hamutuk 22.962 kompostu hosi deklarante arroladu hamutuk 5.089 (feto 1376, mane 3713), membru agregadu familiár na’in 17.873.
“Ekipa rejista deklarante ne’ebé presta sira nia deklarasaun iha Sistema Deklarasaun Rendimentu, Bens no Interese (DRBI) hamutuk deklarante na’in 5.053. Deklarante ne’ebé submete ona sira nia formuláriu deklarasaun ba ekipa hamutuk na’in 1.659 no deklarante sira ne’ebé seidauk submete sira nia deklarasaun hamutuk na’in 394,” Hatutan.com sita komunikadu ho data Tersa (31/05).
Hosi dadus deklarante sira ne’ebé mensiona iha leten mai hosi totál instituisaun hamutuk 57 kompostu hosi PR, PN, MPCM, MAPCOMS, MACLAM, Trade Investment, INCT, IGE, INSS, FDCH, HIV-SIDA, Arquivu no Museum, APORTIL, SERVE, IP, ANC, MPM, MTC, MOP, RTTL-EP, Institutu Bambo, ANAA, MD, BEE TL-EP, EDTL-EP, MPO, ANATL-EP, SEFOPE, IJT, PDHJ, TATOLI-IP, MESCC, AIFAESA-IP, PCIC, MAP, MSSI, MTCI, IPB, AACTL, MAE, IGE IP, SGP, TIMOR GAP-EP, INFORDEPE, SEJD, CLN, ADN-IP, ANPM, CFP, CNC, CI, INDMO, MS, SEKOOP no SEII.
Alende relata progresu Deklarasaun Rendimentu, Bens no Interese (DRBI) ninian, Ekipa Responsavel DRBI mós aprezenta dezafiu balun ne’ebé hasoru durante halo atendimentu ba deklarante sira nia deklarasaun.
Jornalista: Carmelita Isaac