“Ita haree ba despeza, ne’e la to’o saida maka TL hetan hosi FIFA. Tanba hetan fiar hosi organizasaun internasionál ne’e la’ós kustu ida ne’ebé hanesan, tanba federasaun futeból liu-liu FIFA ladún fiar iha TL nia estabilidade atu lori trofeu ne’e mai, maibé ita prova katak nasaun estábel ho seguransa ne’ebé másimu hodi tau ita nia naran iha mapa. Maske SEJD apoia de’it $22.000 no restu hosi federasaun no despeza ne’e uza ba selu artista sira,” Abrão Saldanha hateten hafoin hala’o enkontru ho SEKOMS, SEJD no FIFA edifísiu MJ, Colmera, Segunda (13/06/2022).
Advertisement
Ho prezensa Trofeu iha TL, bele promove nasaun TL iha mundu tanba hetan kredibilidade foun no fiar hosi organizasaun internasionál hodi organiza vizita Trofeu ne’e.
Vizita ida-ne’e la’ós nasaun hotu-hotu hetan oportunidade no Timor bele hetan oportunidade uluk kompara ho nasaun Indonézia no Malázia, maski ema barak labele partisipa másimu ho razaun protokulu no seguransa ba Trofeu ne’e, nune’e limita ema, maibé ikus-mai iha oportunidade ba ema hotu-hotu bele haree iha estádiu.