Hatutan.com (15 Juñu 2022), Díli—Ministru Justisa (MJ) Tiago Amaral Sarmento simu 𝑊𝑜𝑟𝑙𝑑 𝐵𝑎𝑛𝑘 𝐶𝑜𝑢𝑛𝑡𝑟𝑦 𝑅𝑒𝑝𝑟𝑒𝑠𝑒𝑛𝑡𝑎𝑡𝑖𝑣𝑒 Bernard Harborne ho ninia ekipa iha knaar fatin Ministériu Justisa, Rua Colmera, Dili, Kuarta (15/06/2022).
Ministru Justisa (MJ) Tiago Amaral Sarmento simu 𝑊𝑜𝑟𝑙𝑑 𝐵𝑎𝑛𝑘 𝐶𝑜𝑢𝑛𝑡𝑟𝑦 𝑅𝑒𝑝𝑟𝑒𝑠𝑒𝑛𝑡𝑎𝑡𝑖𝑣𝑒 Bernard Harborne ho ninia ekipa iha knaar fatin Ministériu Justisa, Rua Colmera, Dili, Kuarta (15/06/2022). Foto/Média MJ.
Objetivu hosi audiénsia ne’e atu rona informasaun hosi Minstru Justisa liga ba Terras e Propriedades no planu distribuisaun Sertifikadu Titulu na’in ba Rai ba sidadaun sira.
“Aleindé ne’e, Bernard Harborne hato’o mós katak Banku Mundiál prontu atu apoia Ministériu Justisa,” Hatutan.com sita deklarasaun Ministru Justisa nian iha komunikadu.
Advertisement
Tiago Amaral Sarmento esplika katak ho tempu ne’ebé badak kuaze tinan ida de’it ona, Ministru Justisa sei fó prioridade ka foku ba jere Rai no Propriedades Estadu nian ne’ebé iha, hodi hasa’e rendimentu Estadu nian liu hosi arrendamentu sira ba Terras no Propriedades Estadu nian.
Aleinde ne’e sei foku mós ba atribuisaun Sertifikadu Titlu nain ba Rai.
Foin daudaun Konsellu Ministru aprova ona Dekretu lei Informasaun Kadastrus, nune’e hein promulgasaun hosi Prezidente Repúblika, José Manuel Ramos-Horta hodi Ministru Justisa hasai despaixu Ministeriál ida, nune’e bele hahú ona distribuisaun Sertifikadu Titulu na’in ba Rai ba Sidadaun sira.
Ministru Justisa mós esplika katak, importánsia hosi distribuisaun Sertifikadu Titulu na’in ba rai ne’e sei fó benefisiu Sosiál no ekonomia ba Sidadaun sira, no bele mós garante no asegura ba investementu internasionál sira.
Aleindé ne’e, sidadaun sira bele mós uza sertidaun refere hodi bele asesu ba kréditu ba negósiu kiik sira hodi hadi’ak moris.
Advertisement
Ministru Justisa mós husu ba Banku Mundial atu apoia téknika ba servisu Kadastrus no ekipamentus Informátika ba Servisu Kadastrus no 𝑪𝒐𝒎𝒊𝒔𝒔𝒂̃𝒐 𝒅𝒂𝒔 𝑻𝒆𝒓𝒓𝒂𝒔, nune’e bele fasilita servisu.