Polítika
PN Autoriza Ramos-Horta Vizita Estadu Bá Indonézia
Hatutan.com, (12 Jullu 2022), Díli-Parlamentu Nasionál (PN) liuhusi plenária, Tersa (12/07/2022), aprova ka autoriza viajen Prezidente Repúblika (PR), José Ramos-Horta nian bá Indonézia.
PR José Ramos-Horta. Foto/Hatutan.com
Ramos-Horta nia pedidu vizita Estadu bá Indonézia ne’e aprova ho votu afavór 60, kontra zero no abstensaun zero.
“Pedidu autorizasaun bá vizita Xefe Estadu nian aprovadu ho votu afavór 60, kontra zero no abstensaun zero,” Prezidente Parlamentu Nasional, Aniceto Longuinhos Gutrres Lope hateten uainhira anunsia rezultadu votasaun bá pedidu vizita Xefe Estadu nian bá Indonézia ne’ebé tuir planu Prezidente Repúblika ho nia delegasaun sei arranka husi Díli iha loron 18 Jullu no sei fila fali mai iha loron 24 Jullu 2022.
Iha vizita Estadu ne’e, sei akompaña mós husi membru Governu balun, membru Parlamentu Nasional, reprezentante sosiedade sivíl, setor privadu no jornalista sira.
Jornalista: Vito Salvadór