PM Taur Matan Ruak Garante Laiha Krize Kombustivel

Hatutan.com, (28 Jullu 2022), Díli- Primeiru-Ministru (PM), Taur Matan Ruak, husu bá timoroan hotu iha territóriu nasionál  atu labele pániku ho boatu ne’ebé oras ne’e la’o iha Díli laran katak estoke  kombustivel  (gazolina ho gazóleu) menus iha Timor-Leste.

Lee Mós : ANPM Dezmente “Boatu” Kombustivel Menus iha Timor-Leste

Primeiru Ministru (PM) Taur Matan Ruak. Foto/Hatutan.com

Bá jornalista sira hafoin hasoru malu ho Prezidente Repúblika, José Ramos-Horta iha Palásiu Prezidensiál, Kinta (28/07/2022), Primeiru-Ministru Taur Matan Ruak, bá jornalista sira hateten, iha soru mutu ho Xefe Estadu ne’e parte rua ko’alia mós kona-bá boatu sira ne’ebé agora la’o iha Díli laran katak krize kombustivel iha Díli laran.

Taur rasik husu  bá Xefe Estadu katak lalika preokupa ho ida ne’e tanba Governu sei konfia empreza sira ne’ebé halo hela sira nia atividade iha área mina, maibé iha kazu kombustivel laiha liu Governu iha empreza Estatál Timor Gap ne’ebé bele fornese servisu tanba  ne’e iha ligasaun ho seguransa nasaun nian.

“Ohin Ministériu Petroleum no Minarál (MPM) informa ona bá ha’u katak daudaun ne’e Pertamina Internasional Timor SA nia ró lori kuaze litru  millaun 4   gazolina  no gazóleu a iha ona tasi laran parte Pantai Kelapa no sira sei deskarrega orasida lokraik ka aban problema ho kombustivel bele resolve ona,” Taur Matan Ruak hateten.

Xefe Governu apela bá populasaun sira atu lalika pániku, uluk situasaun piór di’ak hela, agora mina kombustivel foin mak laiha hotu-hotu halai mate an loos.

 “Ha’u dehan karik iha informasaun ruma kona-bá kombustivel laiha, Xefe Estadu lalika preokupa,” Taur Matan Ruak haktuir.

Lee Mós : Breaking News: ETO Husu Povu Labele Pániku Tanba Sei La Akontese Krize Kombustivel

Jornalista: Vito Salvadór