Defeza & Seguransa
Dekretu-Lei ba Rejimentu Foun Konsellu Superiór Defeza Militár Aprovadu
Hatutan.com, (03 Agostu 2022), Díli—Konsellu Ministru (KM) aprova ona projetu Dekretu-Lei, ne’ebé aprezenta husi Ministru Defeza (MD), Filomeno da Paixão de Jesus, kona-bá Rejimentu foun Konsellu Superiór Defeza Militár nian.
Formatura Polisia Militár iha serimónia aniversáriu ba dala-17, iha Kuartél Kintál-boot, Segunda (17/01/2022). Foto/Hatutan.com.
Diploma ida-ne’e ninia objetivu atu permite katak, Rejimentu Konsellu Superiór Defeza Militár nian, bele kompatibiliza ho Lei Defeza Nasionál ne’ebé vigora hela no ho nune’e revoga Dekretu Governu nu. 6/2016, loron 11 fulan-maiu.
Lee Mós:Koñese Fasilidade Militár iha Komponente Navál F-FDTL
“Ho alterasaun ida-ne’e, hanesan define tiha ona iha Lei Defeza Nasionál, ba oin, Jenerál sira ne’ebé la iha efetividade servisu, ne’ebé ezerse ona kargu Xefe Estadu-Maiór-Jenerál Forsas Armadas, Vise-Xefe Estadu-Maiór-Jenerál Forsas Armadas ka Xefe Estadu-Maiór Forsas Armadas, sei integra ba-iha Konsellu Superiór Defeza Militár,” Hatutan.com sita komunikadu, Kuarta (03/08/2022).
Objetivu hosi ida-ne’e, atu garante tranzisaun no implementasaun ba objetivu dezenvolvimentu nian sira ne’ebé define ona iha dokumentu estratéjiku sira Defeza nian. Ba oin, obrigatóriu mós atu halo somumutuk Konsellu ne’e nian kona-ba alterasaun estrutura orgánika F-FDTL nian, no kona-ba proposta sira nomeasaun no ezonerasaun nian ba kargu XEMJFA, Vise-XEMJFA no XEMFA, no mós ba Dispozitivu F-FDTL nian.
Jornalista: Rogério Pereira Cárceres