Governu Kontinua Buka Dalan Halo Empréstimu ho Funan Ki’ik

Hatutan.com  (16 Agostu 2022), Díli- Ministru Finansas (MF), Rui Agusto Gomes, hateten atu proteje fundu mina-rai, Governu halo hela segmentasaun bá fundu ne’e rasik no kontinua buka dalan bá halo empréstimu ho funan ki’ik.

Lee Mós : Governu Rona Opiniaun Ramos-Horta Kona-bá Vizaun Boot Futuru Timor

Ministru Finansas, Rui Augusto Gomes. Foto/MF.

Ministru Rui Augusto Gomes hateten, atu garante sustentabilidade ba fundu mina-rai rasik, Governu halo hela intervensaun balun hodi halo segmentasaun bá fundu ne’e rasik hahú iha tinan kotuk no ida seluk mak Governu tenta atu buka imprestimu ne’ebe konsesionariu ho funan ne’ebé ki’ik atu mós bele proteje fundu mina-rai.

Kada tinan iha Orsamentu Jerál Estadu, Governu sempre foti osan liu Rendimentu Sustentável Estimadu (RSE) no ne’e lori implikasaun negativu ba fundu  mina-rai. Tuir Lolos Timor-Leste nia fundu mina-rai bele atinje purvolta  billaun $22 maibé Agora tuun maka’as, tanba Governu mos esede RSE ne’ebe deside tiha ona iha Parlamentu Nasional maibé presija iha ezersisiu ida ne’ebe mak Ministériu Finansas halo hodi kontrola didiak osan atu uainhira presija osan mak foin dada osan husi fundu mina-rai no enkuantu la presiza sei la dada.

“Ha’u hanoin atu substitui ita-nia fundu mina-rai rasik, presiza dunik iha diversifikasaun ekonomia no to’o agora ita seidauk diversifiaka didi’ak ita-nia ekonomia no bá oin ita presiza hare ida-ne’e ho seriu atu salva fundu mina-rai.” Nia sublina.

Kada Tinan Timor-Leste rekolla reseita doméstika purvonta  millaun $ 180,  nune’e espera katak tinan ne’e bele sa’e too millaun $200 ka millaun $220, tanba ne’e tenke servisu maka’as.

Jornalista: Vito Salvadór