Justisa & Krime
Ramos-Horta: Droga Ne’e Aat Duni
Hatutan.com, (17 Agostu 2022), Díli- Prezidente Repúblika (PR), José Ramos-Horta, hateten, nia parte halo apelu ona bá joven timoroan hotu atu hakriit droga, evita hemu-tua no evita fuma-tabaku.
Lee Mós : Ministru Justisa Hakfodak ho Desizaun TIR ba Arguidu Kazu Droga
Prezidente Repúblika (PR), José Ramos-Horta. Foto/Hatutan.com
“Maibé droga ne’e aat duni,” Prezidente Repúblika (PR), José Ramos-Horta hateten bá jornalista sira, Kuarta (17/08/2022).
Kona-bá desizaun Tribunál Distritál Dili (TDD) ne’ebé aplika medida koasaun Termu Identidade Residensia (TIR) no Aprezentasaun Periódika (AP) bá arguidu na’in—sia bá kazu ilísitu droga, Xefe Estadu la halo komentáriu bá desizaun ne’e tanba prosesu bá kazu ne’e sei la’o hela.
Ramos-Horta rasik seidauk iha informasaun detallu nune’e nia sei la halo komentáriu ruma relasiona ho desizaun órgaun judisiáriu sira ne’e.
“Ha’u nu’udár Xefe Estadu ha’u labele kometa desizaun balun, prosesu ne’e seidauk konklui, ha’u seidauk hatene loloos informasaun kompletu kona-bá ida ne’e,” José Ramos-Horta hateten.
Jornalista: Vito Salvadór