Iha Relasaun ho Arguido Na’in-Sia Kazu Droga, Suspeitu FA Submete bá PI

Hatutan.com, (04 Setembru 2022), Díli-Policia Ciêntífica é de Investigação Criminal (PCIC), Domingu (04/09/2022), hale’u uku 09:20 Otl, transporta ona suspeitu ho inisiál FA bá iha Tribunál Distritál Dili (TDD) hodi submete bá iha Primeiru Interrogatóriu  (PI) judisiál.

Lee Mós : Kazu Droga, PCIC Kaptura tán Suspeitu Ida iha Relasaun ho Sira Na’in-Sia

PCIC aprezenta suspeitu kazu dorga bá TDD, Domingu (04/09/2022). Foto/Hatutan.com

Suspeitu FAdeskonfia envolve mós iha kazu droga ne’ebé iha relasaun ho arguido na’in-sia (9) ne’ebé kumpre hela medida koasaun Termu Identidade Rezidénsia (TIR) ho Aprezentasaun Periódika.

Haktuir ba deklarasaun sira hosi arguido na’in-sia (9) iha prosesu investigasaun,  iha semana tuir mai, TDD halo kedan despaxu ofisial ida, nu’udár Mandado de Busca Apreensão e Detenção, hodi fó delegasaun kompeténsia bá PCIC atu bele ezekuta mandadu ne’e.

Iha loron kinta, 01 fulan-Setembru 2022, PCIC halo  buska bá iha suspeitu FA nia rezidénsia iha área Metiuat,  Díli, hodi halo apreensaun bá evidénsia krime balu, inklui halo detensaun iha sela detensaun PCIC durante oras 72.

Audiénsia primeira interrogatóriu  ne’e, prezide hosi Juis singular Maria Solana, Ministériu Públiku (MP), reprezenta hosi Prokuradór Domingos Gouveia Barreta, no  suspeitu FA hetan asisténsia legal hosi Defensor  Públiku Eustáquio Guterres.

Lee Mós : Faktus La Forte, Arguidu Na’in-rua Ne’ebé Deskonfia Involve Iha Kazu Droga Hetan TIR

Jornalista: Rogério Pereira Cárceres