Suspeitu sira asalta membru F-FDTL Primeiru Sarjentu Joanico Baptista Carvalho (Apeku) iha área Akadiru-hun, submete bá primeiru interrogatóriu judisiál iha Tribunal Distritál Díli (TDD), Kinta (08/09/2022). Foto/Helio dos Santos da Costa
Suspeitu sira ne’e deskonfia envolve iha kazu asalta membru FALINTIL-Forsa Defeza (F-FDTL) hosi komponente Naval, Primeiru Sarjentu Joanico Baptista Carvalho (Apeku) iha área Akadiru-hun, Díli, Segunda (05/09/2022).
Suspeitu na’in-haat (4) ne’e, transporta hosi Polísia Nasional Timor-Leste (PNTL) liuhosi unidade Servisu Investigasaun Kriminál Nasional (SIKN), ne’ebé to’o iha TDD hodi submete bá primeiru interrogatóriu iha tuku 08:36 dadeer.
Advertisement
Molok submete ba prosesu primeiru interrogatóriu iha TDD, suspeitu sira kumpre ona oras 72 iha sela detensaun SIKN, Kuartél Komandu Jerál PNTL, Caicoli.
Suspeitu sira, ministériu públiku promove ho krime perfurasaun orden públika, Ofensa korporál grave obstrusaun baáautoridade no dano ho violénsia, ne’ebé mak previstu iha lei kódigu penál Timor-Leste.
Audiénsia Julgamentu ne’e, prezidente hosi Juíza Maria Solana, Ministériu Públiku (MP), reprezenta hosi Prokuradór, Domingos Barreto, arguidu sira hetan asisténsia legál hosi advogadu privadu, Mariano da Cruz de Jesus ho Sergio Lobo Junior.
Oras ne’e daudaun arguidu sira submete hala bá prosesu primeiru interrogatóriu iha TDD, hodi hein desizaun ka medida koasaun saida mak Tribunál sei aplika bá sira atu kumpre.