Saúde
Eis-Prezidente Repúblika Francisco Guterres “Lú Olo” Nia Saúde Di’ak Loos
Hatutan.com, (27 Setembru 2022), Díli-Prezidente Repúblika períodu 2012-2017, Francisco Guterres “Lú Olo” nia kondisaun saúde di’ak loos hafoin halo tratamenentu ka halo check-up rutina iha Ospitál Malázia.
Lee Mós : Lú Olo Dezloka ba Malázia Hodi Kontrola Saúde
Lú Olo ho nia espoza Cidalia Nobre Mouzinho Guterres foto iha Malázia. Foto/Espesiál
“Depois hala’o check-up rutina iha Ospital Malázia, eis-Prezidente Repúblika Lú Olo, nia kondisaun saúde di’ak, hahú hosi loron-22 fulan-Setembru liuba, to’o ohin loron, nia kondisaun saúde diak tebes,” Hatutan.com sita hosi pajina ofisial Facebook Presidente da RDTL 2017-2022.
Konvidadu Onra Bá Selebrasaun Loron Mundiál Korasaun iha Ospitál iHeal
Bainhira hala’o konsulta regular iha Kuala Lumpur, Malazia, Domingu liubá, 25 fulan-Setembru 2022, Francisco Guterres “Lú Olo” sai hanesan konvidadu ondra bá selebrasaun loron Mundiál Korasaun ne’ebé realiza hosi Hospital iHeal Kuala Lumpur, Malazia. Alende ne’e, Lú Olo partisipa mós selebrasaun aniversáriu Ospital iHeal nian bá da-12.
Iha loron 22 fulan-Setembru, Prezidente Repúblika períodu 2017-2022 ne’e desloka ba Malázia hodi hala’o check-up rutina bá nia saúde. Iha tempu badak Eis-Prezidenti Repúblika ne’e sei fila hikas mai Timor -Leste.
Lee Mós : Lú Olo Baixa iha HNGV Tanba Kondisaun Saúde Fraku Uitoan
Jornalista: Vito Salvadór