Ezekusaun OJE Retifikativu 2022 iha Trimestre Datoluk 34%

Hatutan.com, (04 Outubru 2022), Díli – Taxa ezekusaun reál OJE Retifikativu 2022 bá Administrasaun Sentrál to’o iha Sesta, 30 Setembru 2022, atinje ona biliaun $1,1 ka 34% hosi totál OJE Retifikativu 2022 ne’ebé aloka bá Governu Sentrál ho montante billaun $3,1.

Lee Mós : Prezidente Repúblika Promulga OJE Retifikativu 2022

Dollar Amérika. Foto/Google

Sita hosi komunikadu imprensa ne’ebé Hatutan.com asesu relata katak taxa ezekusaun reál OJE Retifikativu 2022 bá Governu Sentrál esklui Fundu Kombatente Libertasaun Nasionál (FCLN, sigla Portugés) ho montante billaun $1 atinje ona 57%.

Taxa ezekusaun reál Governu Sentrál (em termos persentajen) aas liu mak iha Autoridade Munisípiu ne’ebé mak ezekuta ona millaun $39,2 ka 62% husi orsamentu alokadu millaun $63,6. Tuir kedan ho FDCH ne’ebé ezekuta ona millaun $6,8 hosi orsamentu alokadu millaun $12,4. Ajénsia Autónoma sira ezekuta ona millaun $108,4 ka 46% hosi orsamentu alokadu millaun $234,6. Liña Ministériu sira ezekuta ona millaun $827,2 ka 34% husi orsamentu alokadu billaun $2,4. Fundu Covid-19, ezekuta ona millaun $15,7 hosi orsamentu finál millaun $56,4 (montante orsamentu finál ne’e inklui ona saldo tranzitadu hosi 2021 ho montante millaun $18,7). Enkuantu Fundu Infraestrutura foin mak ezekuta millaun $58,6 ka 18% hosi orsamentu alokadu millaun $332,4.

 Ezekusaun Tuir Klasifikasaun Ekonomiku

Taxa ezekusaun reál tuir klasifikasaun ekonómiku ba Governu Tomak inklui RAEOA aas liu mak iha kategoria Saláriu no Vensimentu ne’ebé mak atinje ona millaun $180,9 ka 67% hosi orsamentu alokadu millaun $269,9. Tuir kedan ho Bens no Servisu ne’ebé ezekuta ona millaun $199,7 ka 38% husi orsamentu alokadu millaun $524,9. Transferénsia Públikas ezekuta ona millaun $617,6 ka 32% hosi orsamentu alokadu billaun $1,9. Kapitál Dezenvolvimentu ezekuta ona millaun $75,5 ka 17% husi orsamentu alokadu millaun $446,9. Enkuantu kapitál menór foin mak ezekuta millaun $7,1 ka 13% husi orsamentu alokadu millaun $53,4.  

Ezekusaun OJE 2022 RAEOA Atinje 29%

Taxa ezekusaun reál OJE 2022 bá RAEOA to’o iha Sesta, 30 fulan-Setembru 2022, atinje ona millaun $26,4 ka 29% hosi totál orsamentu alokadu millaun $89,6.

Jornalista : Vito Salvador