KOICA Liuhosi Programa CIAT Kompleta Ona Treinamentu bá Membru PNTL Na’in-20

Hatutan.com, (21 Outubru 2022), Díli— Korea International Cooperation Agency (KOICA) liu hosi Programa Capacity Improvement and Advancement for Tomorrow (CIAT) hala’o treinamentu hodi hasa’e kapasidade membru Polísia Nasionál Timor-Leste (TL) na’in 20  ho Susesu.

Korea International Cooperation Agency (KOICA) liu hosi Programa Capacity Improvement and Advancement for Tomorrow (CIAT) hala’o treinamentu hodi hasa’e kapasidade membru Polísia Nasionál Timor-Leste (TL) na’in 20 ho Susesu. Foto/PNTL.

Programa kapasitasaun ne’e hahú hosi loron 07 to’o loron 20 fulan Outubro 2022, kona-bá “Servisu Investigasaun Kriminal” ne’ebé hanorin direta hosi Polísia Sentrál Akademia Korea Súl.

Lee Mós: Governu Simu Millaun $7,86 Hosi KOICA ba Melloramentu Saúde iha TL

“Bainhira akontese Pandemia Covid-19, KOICA deside muda programa CIAT nian ba online durante tinan rua. Maibe iha tinan 2022, oportunidade ne’ebé di’ak tebes tanba matenek-na’in hosi Korea Súl mai direta no fahe sira nia matenek ba membru PNTL na’in 20,” Hatutan.com sita komunikadu.

Iha okaziaun ida-ne’e mós ofisiais PNTL sira pratika kona-bá oinsa halo investigasaun no foti dadus liman leuk (finger-print) tuir estratejia Polisia Forensika Korea nian.

Iha serimónia enseramentu ne’ebé mak hala’o iha loron 20 fulan Outubro iha Auditorium Akademia PNTL, no atende hosi Koica Country Director, Eunju Cha ho Adjuntu Komandante Investigasaun Kriminál Paulino Carmo.

Ema importante na’in rua rua ne’e kongratula partisipante sira ne’ebé kompleta ona kursu ida-ne’e  no fiar katak Polisia Sentral Akademia Korea sei kontinua fó tulun ba PNTL iha futuru.

Ho matéria sira ne’ebé mak durante ne’e partisipante sira aprende ona, fiar katak bele apoia PNTL  liu-liu iha Servisu Investigasaun Kriminál.

Jornalista: Rogério Pereira Cárceres