PPN Aniceto Guterres Partisipa Abertura Sesaun Solene XI Asembleia Parlamentár-CPLP

Hatutan.com, (25/10/2022), Díli—Prezidente Parlamentu Nasionál (PPN), Aniceto Longuinhos Guterres Lopes, partisipa iha abertura sesaun solene XI Assembleia Parlamentár-CPLP ne’ebé realiza iha Lisboa, Portugál, hosi loron 24 to’o 25  fulan-Outubru  2022.

PPN Aniceto Longuinhos Guterres Lopes, partisipa iha abertura sesaun solene XI Assembleia Parlamentár-CPLP ne’ebé realiza iha Lisboa, Portugál, hosi loron 24 to’o 25 fulan-Outubru 2022. Foto/G-PPN

Tema sentrál bá Asembleia Parlamentár-CPLP, tinan ida ne’e, “Livre circulação de bens e serviços no espaço da CPLP”.

Komunikadu imprensa ne’ebé Hatutan.com asesu hosi Gabinete Prezidente Parlamentu Nasionál, Tersa (25/10/2022), informa katak molok hahu’u serimónia abertura, Deputadu sira hala’o servisu iha nível Komisaun sira hanesan:

– Komisaun 1: Polítika, Estratéjia, Lejislasaun, Sidadánia no Sirkulasaun.

– Komisaun 2: Ekonomia, Ambiente no Kooperasaun.

– Komisaun 3: Língua, Edukasaun, Siénsia e Kultura.

– Reuniaun Redes de Mulheres no Jovens Parlamentares.

Assembleia Parlamentár-CPLP refere partisipa hosi Prezidente Parlamentos no Xefe Delegasaun sira hosi nasaun membru sira, kompostu husi Angola, Cabo Verde, Guiné-Bissau, Guiné Equatorial, Mozambique, Portugal, São Tomé e Príncipe no Timor-Leste.

Alende ida ne’e, partisipa mós  Ministru dos Negocios Estrangeiro Portugal no Sekretáriu Ezekutivu CPLP, membrus Parlamentu Nasionál no Grupu Nasionál AP-CPLP Deputadu na’in-neen (6) hanesan; Deputada Maria Fernanda Lay, Bankada CNRT, Deputada Terezinha Viegas, Bankada CNRT,  Deputada Gabriela Alves, Bankada FRETILIN Deputadu Fabião Oliveira, Bankada FRETILIN, Deputadu Francisco de Vasconcelos, Bankada PLP  ho Deputadu António da Conceição, hosi Bankada PD.

Jornalista : Rogério Cárceres