Konfrontu iha Dare Durante Finadu, Ida Mate Fatin

Hatutan.com, (03 Novembru 2022), Díli—Konfrontu entre joven sira iha área Fatunaba, Suku Dare, Postu-Administrativu Vera-Cruz, Munisípiu Dili, rezulta vítima Clementino Borges hetan kanek grave tanba han pankada fatuk  iha parte ulun, rezulta vítima mate iha fatin antes lori to’o iha Hospital Nasional Guido Valadares (HNGV).

Konfrontu entre joven sira iha área Fatunaba, Suku Dare, Postu-Administrativu Vera-Cruz, Munisípiu Dili, iha loron Kuarta 02 Novembru 2022. Foto/PNTL.

Konfrontu ne’e akontese iha loron Kuarta 02 Novembru 2022, hafoin joven hirak ne’e tau ai-funan iha rate Dare nian. 

“Liu de’it minutu balun, Polísia Nasionál Timor-Leste (PNTL), liu hosi Eskuadra Vera-Cruz hetan apoiu hosi Servisu Sekreta SIPN, Unidade Espesiál FALINTIL, SNI, N2, S2, Makikit no BOP to’o kedan iha fatin akontesimentu maibé autór sira ko

nsege halai, nuneé ekipa konjunta rekolla kedan evidénsia no duni tuir autór sira,” Hatutan.com sita komunikadu.

Hafoin hetan nia motivu, ekipa halo vizilánsia hosi kalan to’o dader no konsege asegura ona joven na’in-15.

Iha parte loro kraik Kinta loron 03 Novembru, PNTL kaptura tán suspeitu na’in-neen ne’ebé involve iha konfrontu tuda-malu iha Suku Dare, no entrega ona ba Servisu Investigasaun Kriminál Nasionál, hodi kontinua halo prosesu identifikasaun.

Jornalista: Rogério Pereira Cárceres