Hatutan.com, (15 Novembru 2022), Díli—Parlamentu Nasionál (PN), liuhosi sesaun votasaun espesiáilidade bá Orsamentu Jerál Estadu (OJE) 2023, aprova ona orsamentu ho totál $22.088.548 bá Ministériu Defeza (MD), ho votu afavór 46, kontra 0, abstensaun 16.
Orsamentu ministériu defeza nian ho $22.088.548 ne’e, sei aloka bá Programa Defeza Nasionál ho montante ka totál $19.545.755.
Programa Boa Governasaun no Jestaun Institusionál ho $2.424.474. Programa Igualidade Jéneru no Inkluzaun Sosiál ho $118.319, ho votu afavor 50, kontra 0, abstensaun 10.
Iha biban hanesan, Parlamentu Nasionál, aprova mós Ministériu Interiór (MI) ninia orsamentu ho totál $10.429.789.
Valór orsamentu hirak ne’e, sei aloka bá programa Seguransa nasionál ho $5.192.822. Programa Boa Governasaun no Jestaun Institusionál ho $5.236.967.
Jornalista: Rogério Pereira Cárceres
