Polítika
28 Novembru, FRETILIN Determinadu Defende Ukun Rasik An ho Sakrifisiu Tomak
Hatutan.com, (26 Novembru 2022), Díli-Lider nasionál no fundadór nasaun atuál Sekretáriu Jerál partidu FRETILIN, Marí Bin Amude Alkatiri, afirma katak, loron istóriku 28 Novembru bá Timor-Leste nia independénsia unileteral ne’e, partidu Frente Revolusionáriu Timor-Leste Independente (FRETILIN) mak proklama.
Lee Mós : Ramos-Horta Husu Joven Sira Estuda ho Dixíplina
Sekretáriu Jerál partidu FRETILIN, Mari Alkatiri. Foto/dok.Hatutan.com
“Mais importante, loron 28 Novembru, loron ida ne’ebé mak FRETILIN lori povu tomak nia naran proklama independénsia, signifika determinasaun atu defende no defende ho sakrifísiu tomak, ema barak mak fó an bá mate para independénsia ne’e atu akontese. Mas desizaun ida 28 Novembru ne’e, desizaun ida hatudu vizaun bá futuru, determinasaun no klareza,” Mari Alkatiri hateten bá jornalista sira iha Díli, Sesta (25/11/2022).
Alkatiri husu bá jornalista sira atu loke fila-fali de’it istória sira iha arkivu muzeu rezisténsia atu bele hatene di’ak liu.
Jornalista: Rogério Pereira Cárceres