Justisa & Krime

Kazu Omisídiu iha Delta-Elemloi, PNTL Identifika Ona Paradeiru Autór Prinsipál

Published

on

Hatutan.com, (09 Janeiru 2023), Díli-Polisia Nasionál Timor-Leste (PNTL) Munisípiu Díli (KMD), ‘lokaliza’ ka identifika ona paradeiru suspeitu ka autór prinsipál bá kazu “oho” matebian Isaac Hornai Baptista iha área Delta-Elemloi, foin lalais ne’e.

Lee Mós : Emanuel Ne’ebé Transporta Matebian Isaac bá Sentru Saúde Comoro Hato’o Keixa bá PCIC

Polísia Nasionál Timor-Leste (PNTL), liuhosi Komandu Jerál iha Kuarta 28 Dezembru 2022, nomeia Superintendente Xefe Polísia, Natércia Eufrásia Soares Martins, hodi lidera komandu PNTL Munisípiu Díli. Foto/PNTL.

Komandante PNTL Munisípiu Díli, Superintendente Xefe Natercia Eufrasia Martins Soares, kazu Delta-Elemloi, oras ne’e, membru PNTL sira halo hela prosesu tuir  prosedimentu krime ne’ebé mak iha ona, tanba ne’e, sedu ka tarde, sei publika ninia rezultadu bá públiku.

“Ha’u koalia tuir ha’u nia kompeténsia, membru sira agora halo hela serbísu ida-ne’e, iha prosesu ida ne’ebé mak bele dehan hetan ona naroman, maibé, ha’u labele atu koalia iha ne’e, ha’u so hatete de’it, ha’u husu bá parte hotu atu fó apoiu,” Superintendente Xefe Polísia, Natercia Eufrasia Martins Soares hateten bá jornalista sira, hafoin fó orientasaun serbísu bá membru sira iha Komandu PNTL Munisípiu Díli, Segunda (09/01/2023).

Advertisement

Komandante Natercia fó ona orientasaun bá kada eskuadra sira, no mós forsa rezerva, liuhosi akontesimentu sira ne’e, polísia halo avaliasaun no komandu fó ona orientasaun bá komandante sira, no husu públiku hein de’it, tanba hosi orientasaun ne’ebé iha, akompaña ninia progresu iha baze.

“Ami identifika ona ema balu ne’ebé maka sei responsábiliza bá krime ne’e,” nia afirma tan hodi enkoraja  sidadaun sira labele ta’uk atu komunika informasaun, no mós komunidade sira labele ta’uk ho akontesimentu kazu insidente omesídiu sira ne’ebé mak  mosu foin lalais.

Lee Mós : Gravasaun CCTV Hatudu Ema Na’in-rua Mak Oho Isac Hornai iha Delta-Elemloi

Jornalista: Rogério Pereira Cárceres

Advertisement

Husik Hela Komentariu

Your email address will not be published. Required fields are marked *

Trending

Exit mobile version