Membru F-FDTL Labele Intervein Servisu Seguransa

Hatutan.com, (26 Janeiru 2023), Díli- Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Falur Rate Laek, apelu bá membru F-FDTL tomak husi komponete hotu-hotu too iha polísia Militár atu labele envolve iha servisu ne’ebé seguransa nian, exeptu hetan autorizasaun husi komandu ka solusita husi Governu atu iha intervensaun ruma bá garante estabilidade nasionál.

Xefe Estadu Maiór Jenerál F-FDTL, Tenente Jenerál Domingos Raúl “Falur Rate Laek” halo entrevista ho jornalista sira, 25 fulan-Marsu 2022. Foto/Hatutan.com

Tenente Jenerál Falur Rate Laek afirma bá membru F-FDTL sira iha ne’ebé de’it rona, no haree nia agora militár sei la tama to’o situasaun seguransa nian.

“Militár sei latama to’o seguransa nia servisu, há não ser solusita ne’e husi Governu, estadu atu iha intervensaun ruma bá situasaun sira ne’ebé kritiku, situasaun ne’ebé normál ne’e nesésidade saida mak forsa ne’e tun, ita-nia rai ne’e pás,” Tenente Jenerál Falur Rate Laek hateten bá jornalista sira hafoin hasoru malu ho Prezidente Repúblika José Ramos-Horta iha Palásiu Prezidensiál, Kinta (26/01/2023).

Xefe Estadu Maior Jenerál  F-FDTL ne’e mós apelu bá joven sira prepara an atu halo servisu profisionál no estuda tanba ne’e kuidadu an labele estraga futuru.

Jornalista: Vito Salvadór