Díli ho Liquiça Seidauk Atinje 100% Kampaña Vasinasaun no Imunizasaun

Hatutan.com, (01 Marsu 2023), Díli—Munisípiu Díli ho Liquiça to’o oras ne’e seidauk atinje 100% kampaña nasionál integradu vasinasaun no imunizasaun bá labarik sira hosi idade tinan-lima (5) mai karaik.

Lee Mós : Ministériu Saúde Halo Diseminasaun Rejime Espesiál bá Profisionál Saúde

Diretora Jerál Prestasaun Servisu Ministériu Saúde, Odete da Silva Viegas. Foto/Elio dos Santos da Costa

Dadus ne’ebé relata hosi Diretora Jerál Prestasaun Servisu Ministériu  Saúde, Odete Viegas da Silva, Kuarta (01/03/2023), iha ámbitu  diseminasaun Lei no  Dekretu-Lei rejime espesiál ba profisionál saúde ne’ebé hala’o iha Salaun Delta Nova, Díli, katak kampaña nasionál vasinasaun no imunizasaun  bá Munisípiu Díli foin  67% no Munisípiu Liquiça kuaze 80%.

“Espera iha tempu besik ne’e Munisípiu rua ne’e bele atinje ona 100%. Enkuantu Munisípiu sira seluk 100% hotu ona,” Odete Viegas da Silva hateten.

Kampaña nasionál integradu vasinasaun ho imunizasaun bá labarik sira hosi idade tinan-5 mai kara’ik ne’ebé Ministériu Saúde determina iha durasaun  kampaña fulan-6, semana-4 efetivu loron 12 fulan-Janeiru to’o loron 12 fulan-Fevereiru 2023 mais semana bá suiting ne’e signifika katak tama uma sai uma to’o loron 28 fulan-Fevereiru

“Kuandu haree ba implementasaun kuaze munisípiu hotu-hotu atinje 100 %, hela Munisipiu Díli  ho Liquiça mak sei menus ka sidauk atinje nia persentajen,  maibé iha loron balu tan ita bele atinje ona alvu ida ne’ebé mak Ministériu Saúde trasa 95%, agora anivel nasionál ita konsege hetan 94% entaun hela de’it persentajen ida ka rua para atu kompleta ita-nia kampaña vasinasaun,” Odete Viegas da Silva tenik.

Nia klarifika katak problema husi vasinasaun ne’e rasik iha hanesan isin manas no mós ain bubu ne’e akontese maibé la’ós katak situasaun ne’ebé akontese la’ós puramente husi imunizasaun iha mós seluk ne’ebé mak akompaña iha oan sira nia isin lolon.

“Ami foti inisiativa ida iha semana rua liubá iha Díli, ami komesa  halo atividade ho loraik inklui sábadu ho domingu  halo vasinasaun para família sira iha uma entaun atende profisionál saúde sira ho di’ak,” Odete Viegas da Silva hateten tan

Jornalista Estajiária : Dirce Sandra da Costa Gomes