Hatutan.com, (01 Marsu 2023), Díli—Governu sei fó subsídiu bá José Ramos-Horta ho Francisco Guterres “Lú-Olo”, nu’udár kandidatu Prezidente Repúblika (2022-2027) ne’ebé konkorre iha eleisaun Prezidensiál hosi primeira to’o segunda volta.
Kandidatu Prezidente Repúblika periudu 2022-2027, José Manuel Ramos Horta no Francisco Guterres Lú Olo. Foto/repro.
Atribuisaun valór subsídiu nian bá kandidatu PR na’in-rua ne’e ho baze Dekretu-Lei númeru 6/2018. Iha Kuarta, 01 Marsu 2023, Governu liuhosi surumutu Konsellu Ministru ordináriu aprova ona alterasaun dahuluk bá Projetu Dekretu-Lei ne’e.
“Entaun, ne’ebé mak hetan ona iha primeira ronde, labele repete fali iha segunda ronde. Iha segunda ronde ne’e nia valór tenke menus, labele 100% fali, hosi númeru votantes,” Fidelis esplika.
Signifika, hakarak dehan katak ho subvensaun ida-ne’e, fó de’it, halo kobertura de’it bá diferensiál votu ne’ebé hetan entre primeira ronde ho segunda ronde bá eleisaun prizidensiais.
Advertisement
“Ninian destináriu, sé mak sei hetan bá ida ne’e, kandidatu sira Prezidente nian, liu-liu iha kazu ida-ne’e, kandidatu bá segunda ronde nian, maka Prezidente atuál nomós eis Prezidente Repúblika,” Fidelis Magalhães hateten tán.