Prezidente Repúblika To’o Ona iha Austrália

Hatutan.com, (14 Juñu 2023), Díli—Prezidente Repúblika (PR), José  Ramos-Horta, to’o ona iha Darwin-Austrália hodi hala’o tratamentu bá nia saúde.

Lee Mós : Ramos-Horta Bá Konsulta Saúde Iha Austrália

Prezidente Repúblika, José Ramos-Horta to’o ona iha Aeroportu Darwin-Austrália, Kuarta (14/06/2023). Foto/Espesiál

Prezidente Repúblika, José Ramos-Horta, sai hosi Díli-Timor Leste, Kuarta (14/06/2023), hale’u tuku 12:06 Otl, no to’o iha aeroportu Darwin-Austrália,  hale’u tuku 13: liu Otl, ho  durasaun tempu vou nian entre Díli-Darwin, oras ida, minutu rua-nulu.  

Iha loron hirak  ikus ne’e, Tersa-Kuarta (13-14/06/2023), Prezidente Repúblika, José Ramos-Horta, la tama servisu hanesan baibain tanba moras no presiza deskansa uitoan.

Ajenda lubuk ida Prezidente Repúblika nian iha loron rua ne’e kanseladu hotu tanba Prezidente Repúblika nia kondisaun saúde ladún estavel no presiza deskansa.

Tuir informasaun katak, Prezidente Repúblika, José Ramos-Horta, sente kolen demais  ho atividade sira durante ne’e no presiza deskansa atu bele rekupera nia saúde. Maske nune’e, médiku privadu ne’ebé fasilita asisténsia bá Prezidente Repúblika atu bele halo  jenerál check-up  bá nia saúde iha Austrália. 

Lee Mós : Prezidente Repúblika José Ramos-Horta Moras

Jornalista : Vito Salvadór