Hatutan.com, (18 Juñu 2023), Díli—Antigu Vise-Ministru Saúde, Luís Maria Ribeiro Freitas Lobato, Domingu madrugada (18/06/2023), hakotu ona iis iha klínika Stamford, Díli.
Lee Mós : Somotxo, Rui Araújo, Luis Lobato ho Osório Florindo Sai Hosi Membru CCF
Antigu Vise-Ministru Saúde, Luís Maria Ribeiro Freitas Lobato. Foto/Dok.MS
Vise-Ministru Saúde iha I Governu Konstitusionál períodu 2002-2007 no kontinua asume fali kargu hanesan Vise-Ministru Saúde iha VII Governu Konstitusionál, Luís Lobato, hakotu iis tanba sofre moras derrepente iha nia rezidénsia no família sira evakua bá halo tratamentu saúde iha Klínika Stamford, maibé la konsege salva nia vida.
Daudaun ne’e mate-isin lori ona bá iha nia rezidénsia Delta Nova, Díli, hodi hein atu haloot tuir prosesu lisan família no uma-lisan rasik.
Luís Lobato, atualmente asume kargu polítika hanesan Koordenadór Partidu Frente Revolusionáriu Timor-Leste Independente (FRETILIN) Munisípiu Liquiça.
Jornalista : Vito Salvadór