Ofisiais Superiór F-FDTL Na’in-Tolu Promovidu bá Postu Maijór Jenerál

Hatutan.com, (17 Agostu 2023), Díli—Prezidente Repúblika (PR), José Ramos-Horta, promove Ofisiais Superiór FALINTIL Forsa Defeza Timor Leste (F-FDTL) hosi postu Ofisiál Jenerál no Ofisiál Superiór F-FDTL bá Postu Jenerál.

Ofisiál Superiór na’in-tolu ne’ebé hetan promosaun hosi Brigadeiru-Jenerál bá postu Maijór-Jenerál mak hanesan, Brigadeiru-Jenerál Américo Ximenes “Sabika Besi Kulit” atuál Konselleiru Diresaun Justisa no Disiplina F-FDTL, Brigadeiru-Jenerál Cornélio Ximenes “Maunana”, atuál Xefe Inspesaun-Jerál F-FDTL no Brigadeiru-Jenerál João Miranda “Aluc Descartes” atuál Diretór Ezekutivu Jestaun Krize F-FDTL, Kinta (17/08/2023). Foto: Elio dos Santos da Costa.

Ofisiál Superiór na’in-tolu ne’ebé hetan promosaun hosi Brigadeiru-Jenerál bá postu Maijór-Jenerál mak hanesan, Brigadeiru-Jenerál Américo Ximenes “Sabika Besi Kulit” atuál Konselleiru Diresaun Justisa no Disiplina F-FDTL, Brigadeiru-Jenerál Cornélio Ximenes “Maunana”, atuál Xefe Inspesaun-Jerál F-FDTL no Brigadeiru-Jenerál João Miranda “Aluc Descartes” atuál Diretór Ezekutivu Jestaun Krize F-FDTL.

Lee Mós: Membru F-FDTL Na’in-152 Promovidu bá Postu Segundu Sarjentu

Alende ne’e promosaun Ofisiais Superiores F-FDTL bá Ofisiais Jenerais, Xefe Estadu promove Koronél José da Costa Soares “Trix” atuál Xefe Estadu Maiór Interinu F-FDTL bá Brigadeiru-Jenerál no atuál Komandante Komponente Naval, Kapitaun ‘Mar e Guerra’ Higino das Neves ba postu Komodoru.

Promosaun ne’e realiza bazeia bá aprovasaun proposta ne’ebé aprezenta hosi Ministru Defeza (MD) Donaciano do Rosário da Costa Gomes, iha Sorumutu Estraordináriu Konsellu Ministru (KM) nian iha loron 10 fulan-Agostu tinan 2023, iha Palásiu Governu Dili.

Seimónia promosaun ne’e hala’o iha Palásiu Prezidente Nicolau Lobato, Bairru-Pité no partisipa hosi Primeiru-Ministru (PM), Kay Rala Xanana Gusmão, Membru Governu sira no Xefe Estadu Maiór Jenerál Forsas Armadas, Tenente Jenerál Falur Rate Laek.

Jornalista: Vito Salvadór