XIV Konferénsia CPLP Foka bá Sustentabilidade Juventude

Hatutan.com, (28 Agostu 2023), Díli- Konferénsia entre Xefe Estadu no Governu Comunidade dos Países da Língua Portuguesa (CPLP) bá dala XIV ne’ebé hala’o iha São Tomé e Príncipe, foka liu kona-bá sustentabilidade juventude.

Konferénsia entre Xefe Estadu no Governu Comunidade dos Países da Língua Portuguesa (CPLP) bá dala XIV ne’ebé hala’o iha São Tomé e Príncipe, foka liu kona-bá sustentabilidade juventude. Foto: MNEK.

Tema bá konferénsia ne’e nu’udár tema sentrál ne’ebé sei aposta ho polítika São Tomé e Príncipe nian durante assume pasta hanesan Prezidénsia Rotativa CPLP períodu 2025-2027.

Lee Mós: São Tomé e Príncipe Lidera Prezidénsia CPLP 2023-2025

Prezidente Parlamentu Nasionál (PPN), nu’udár Enviadu Espesiál Prezidente Repúblika, Maria Fernanda Lay konsidera tema ne’ebé São Tomé e Príncipe foti kona-ba “Juventude Sustentabilidade” ne’e relevante tebes bá Timor-Leste iha situasaun atuál.

“Tema juventude ho sustentabilidade iha mós relevánsia bá Timor-Leste, tanba iha ne’ebá ko’alia sobre assuntus sosiais, mudansa klimátika ho ekonomia. Klaru katak, ita mós iha problema kampu traballu, ha’u hanoin ita bele aproveita oportunidade ida-ne’e bainhira estadus membrus, ita mós tenki promove ita-nia problemas hanesan ha’u mensiona iha ha’u-nia diskursu,” Hatutan.com sita deklarasaun Maria Fernanda Lay iha komunikadu, Domingu (27/08/23).

Konferénsia entre Xefe Estadu no Governu Comunidade dos Países da Língua Portuguesa (CPLP) bá dala XIV ne’ebé hala’o iha São Tomé e Príncipe, foka liu kona-bá sustentabilidade juventude. Foto: MNEK.

Timor-Leste iha ona akordu entre Governu ho Governu kona-bá mobilidade laborál ho nasaun sira hanesan, Austrália, Korea Súl hodi haruka joven sira bá servisu.

Simeira Xefe Estadu no Governu CPLP bá dala-XIV ne’e, deside ona nasaun Guiné Bissau mak sei assume fali Prezidénsia Rotativa CPLP protémpore periódu 2025-2027.

Jornalista: Vito Salvadór