Indonesia

Xanana ho Liurai Hassanal Bolkiah Ko’alia Kooperasaun Bilaterál

Published

on

Hatutan.com, (06 Setembru 2023), Jakarta— Primeiru-Ministru, Kay Rala Xanana Gusmão, Tersa (05/09/2023), iha Jakarta-Indonézia, hasoru malu ho Liurai Brunei Darussalam, Hassanal Bolkiah Mu’izzaddin Waddaulah hodi ko’alia  kooperaun servisu Timor-Leste ho Brunei Darrusalam.

Lee Mós: Tenente Jenerál Falur-Andi Widjajanto Diskute Koperasaun Defeza no Seguransa

Primeiru-Ministru, Kay Rala Xanana G hasoru malu ho Liurai Brunei Darussalam, Hassanal Bolkiah Mu’izzaddin Waddaulah iha Jakarta, Tersa 05 Setembru 2023. Foto/Hatutan.com

Kontribuidór Hatutan.com hosi Jakarta relata katak entrekontru entre PM Xanana ho Liurai Hassanal Bolkiah Mu’izzaddin Waddaulah hala’o iha ámbitu konferénsia  nivel altu ka KTT bá da-43 ASEAN iha Plenary Hall, Jakarta Convention Center (JCC), Jakarta.

PM Xanana husi Liurai Brunei Darussalam, Hassanal Bolkiah Mu’izzaddin Waddaulah atu bele fó apoiu mai Timor-Leste iha setór saúde, edukasaun, petroliu no minerais no área importante seluk tan.

Advertisement

Ho kontente Liurai Hassanal Bolkiah konvida  Primeiru-Ministru Xanana Gusmão atu bele vizita Brunei Darrusalam. Nune’e, PM Xanana kompromete atu ko’alia ho Prezidente Repúblika  José Ramos-Horta iha selebrasaun festa 20 Maiu 2024 bele konvida Liurai Brunei Darrusalam vizita mós Timor-Leste.

Tuir observasaun Hatutan.com nian durante enkontru bilateral ne’e  akompaña mós hosi Vise Primeiru-Ministru no Ministru Koordenador ba Asuntu Ekonomiku, Ministru Turizmu no Ambiente, Fransisco Kalbuadi Lay, Ministru Negosiu Estranejerus no Kooperasaun, Bendito dos Santos Freitas, Ministru Interior, Fransisco Guterres, no Vise Ministra Negosiu Estraneru bá Asuntu ASEAN, Milena Rangel. ***

Husik Hela Komentariu

Your email address will not be published. Required fields are marked *

Trending

Exit mobile version