Telekomunikasaun Tolu Partisipa Konferénsia BATIC 2023 iha Bali

Hatutan.com, (14 Setembru 2023), Díli—Operadór Telekomunikasaun Telkomcel Timor-Leste (TELIN TL) konvida parseria Indústria Mobile Network Operator (MNO/Operator Seluler seluk iha Timor-Leste (TL) hanesan Telemor & Timor Telecom hodi partisipa serimónia BATIC (Bali Annual Telkom International Conference) 2023 iha 06 Setembru 2023 iha Wetin Hotel – Nusa Dua Bali.

Partisipante iha serimónia BATIC (Bali Annual Telkom International Conference) 2023 iha 06 Setembru 2023 iha Wetin Hotel – Nusa Dua Bali. Foto : Telkomcel.

Nu’udár forma komitmentu Telkomcel nian hodi partisipa no enkoraza kresimentu ekonómiku liu hosi servisu telekomunikasaun no informasaun teknolojia iha Timor-Leste.

Lee Mós: Telkomcel Hakarak Lori TL bá Nasaun Dijitál

“Konferénsia BATIC 2023 hanesan Eventu Annuál hosi TELIN ne’ebé mak realiza ona ba dala – XX no sai hanesan eventu ida bo’ot iha indústria telekomunikasauu nian,” Hatutan.com sita komunikadu.

Atu melhora espiritu kolaborasaun no sinerjia bá kompetisaun ne’ebé saudável hodi kria armonia indústria liu hosi lansa Laloran Inovasaun, Alkansa Futuru Dijitalizasaun ka “unleashing the Innovation Wave, Enabling a Digital Tomorrow”.

Konferénsia BATIC 2023, partisipa másimu hosi infraestrutura telekomunikasaun iha Timor-leste, delegasaun mak hanesan; CEO Telkomcel Timor-Leste, VP Mareting no Sales Telkomcel, Enterprise no Wholesale Telkomcel, CEO Viettel Timor-Leste (Telemor), reprezentante CEO Viettel Global, Chief Finance Officer Timor Telecom no Head of Core no RAN Planning Timor-Telecom.

CEO Telkomcel, Benedictus Ardiyanto Priyo hateten, partisipasaun hirak ne’e hodi halo preparasaun asselera servisu liña ne’ebé inkomparável, mellora parseria, kolaborasaun ne’ebé atu enkoraza insdústria ho altura foun.

“Ami aprende no hamutuk hodi inspira indústria telco ba dico iha futuru ne’ebé di’ak liu iha Timor-Leste, unidade no armonia entre Telkomcel, Telemor  no Timor Telecom,” nia subliña.

Nia mós agradese bá TELIN tanba bele involve ona Telekomunikasaun ne’e hodi partisipa iha eventu importante iha “Bali Annual Telkom International Conference” (BATIC) 2023.

Jornalista Estajiáriu: Lazaro Pereira Quefi