Xanana Semo ho Aero Díli Hodi Partisipa Forum Estadu Arkeolójiku iha Bali

Hatutan.com, (10 Outubru 2023), Díli—Primeiru-Ministru (PM), Kay Rala Xanana Gusmão, ohin semo ona  bá Bali-Indonézia ho Aero Dili, hodi partisipa Forum Estadu Arkeolójiku ka Archipelagic And Island States Forum (AIS Forum) ne’ebé sei partisipa hosi nasaun hamutuk 51.

Primeiru-Ministru (PM), Kay Rala Xanana Gusmão, ohin semo ona bá Bali-Indonézia ho Aero Dili, hodi partisipa Forum Estadu Arkeolójiku ka Archipelagic And Island States Forum (AIS Forum) ne’ebé sei partisipa hosi nasaun hamutuk 51, Tersa (10/10/2023). Foto supply.

Reuniaun ne’e sei realiza iha loron 10 to’o 11 Outubru 2023, Indonézia konvida ona nasaun illa 51 no illa sira no mós organizasaun internasionál balun.

Lee Mós: Xanana Akan Hadiri Forum AIS di Bali

“Iha tinan ida-ne’e Indonézia sai nu’udár uma-na’in bá Konferénsia a’as iha Forum Arkeipellu no Estadu Illa (KTT AIS),” Hatutan.com sita komunikadu, Tersa (10/10/2023).  

Nu’udár nasaun illa boot liu iha mundu, iha forum ida-ne’e Indonézia hein katak sei sai hanesan inisiativa ida hodi rezolve kestaun sira ne’ebé iha preokupasaun kona-bá tasi.

Forum AIS nian iha tinan 2023 lansa tema “Kolaborasaun Fostereira, Fasiliza Inovasaun ba Ita-nia Oseanu no Ita-nia Futuru”.

Ajenda sorumutu ne’e sei foka liu bá aspeitu importante tolu mak hanesan, ekonomia azúl, dezafiu sira kona-bá mudansa klimátika no solidariedade entre nasaun illa no illa sira.

Forum AIS ne’e hanesan sumáriu badak ida hosi Forum Arkeipellu no Estadu Illa ka Ilha Nasionál no Illa kiik.

AIS nu’udár ponte kooperasaun entre nasaun illa sira no illa sira iha mundu ne’ebé ho objetivu atu hametin kolaborasaun hodi hasoru problema globál sira, liuliu dezenvolvimentu tasi-ibun.

Jornalista: Rogério Pereira Cárceres