Gil “Oan Soru” Husu Bobolait Justifika Razaun Atraza Konstrusaun Monumentu 12 Novembru

Hatutan.com, (25 Outubru 2023), Díli—Ministru Assuntu Kombatente Libertasaun Nasionál (MAKLN), Gil da Costa Monteiro ‘Oan Soru’ hala’o enkontru ho Diretór kompañia Bobolait Lda, Carlito M.S Pereira, hodi husu justifikasaun kona-bá projetu konstrusaun monumentu 12 Novembru iha semitériu Santa Cruz ne’ebé seidauk konklui.

Ministru Assuntu Kombatente Libertasaun Nasionál (MAKLN), Gil da Costa Monteiro ‘Oan Soru’ hala’o enkontru ho Diretór kompañia Bobolait Lda, Carlito M.S Pereira, hodi husu justifikasaun kona-bá projetu konstrusaun monumentu 12 Novembru iha semitériu Santa Cruz ne’ebé seidauk konklui, Kuarta (25/10/2023). Foto: MAKLN.

Durante enkontru, empreza kontratór atualiza duni progressu servisu katak, falta de’it nahe marmer, hahú hosi odamatan, kapela no hatur estatua.

Lee Mós: CAC Presiza Akompaña Prosesu Konstrusaun “Monumentu Masakre 12 Novembru 1991”

“Razaun monumentu ne’e seidauk konklui tanba produsaun marmer iha rai laran limitadu,” Hatutan.com sita komunikadu, Kuarta (25/10/2023).

Kona-bá utiliza marmer tuir kontratu ne’ebé estabelese raisin utilization market tanba hakarak valoriza, riku soin Timor nian ne’ebé bele introdús iha monumentu ne’e.

Ministru ‘Oan Soru’ orienta kedan na’in bá kompaña ne’e katak tenki konklui obra refere tenke kolabora atu buka solusaun alternativa bá produsaun no disponibilidade marmer iha rai laran, nune’e responde nesesidade konstrusaun, buka interpreta tuir kondisaun rasik hodi valoriza memória luta bá independénsia.

Jornalista: Gloria Maia