Amora Lemos Manán Prémiu Hanesan Artista Solo Infantíl Di’ak-Liu Iha AMI Awards 2023

Hatutan.com (10 Novembru 2023), Díli—Amora Lemos oan feto hosi Krisdayanti ho Raul Lemos manán  prémiu dahuluk hanesan artista solo infantíl di’ak liu iha Anugerah Musik Indonesia (AMI) Awards 2023. 

Amora Lemos. Foto: Hatutan.com.

Tuir Publikasaun hosi Tribunnews.com katak, prémiu ne’ebé Amora Lemos hetan iha AMI Awards tinan 2023, hanesan primeiru prémiu nu’udár artista.

Lee Mós: Amora Lemos Dikontrak Sony Music, Resmi Jadi Penyanyi Profesional

Anúnsiu ofisiál ne’ebé tránsmite direta hosi Plataforma Youtube ne’e, Amora Lemos konsege manán prémiu ne’e ho múzika “Buku Mimipiku”.

Krisdayanti kontente ho Amora Lemos ninia prestasaun ne’e hodi fó apresiasaun liu hosi ninia feed no story Instagram.

“Parabens!!! Amora Lemos manán prémiu dahuluk hanesan Artista Solo Infantíl di’ak liu iha Ami Awards 2023,” Hatutan.com sita apresiasaun Krisdayanti ne’ebé públika hosi Tribunnews.com, Kinta (09/11/2023).

Amora Lemos konsege nomeada hanesan artista infantíl di’ak liu iha Awards ne’e, hodi halakon artista ho kategoria hanesan maka Arsy Hermansyah (Frindship is Rollercoaster), Jasmine Ayudhya (Bangun Tidur), Pamela Ghaniya (Serukan Pada Dunia), Pinky Awahita (Corat-coret Lukisan) no Quinn Salman (Hey).

Jornalista Estajiária: Zita Menezes