Hatutan.com, (06 Dezembru 2023), Díli—Governu liuhosi sorumutu Konsellu Ministru (KM) ordináriu, iha Palásiu Governu Díli, Kurta 06 Dezembru 2023, aprova Projetu Dekretu-Lei ida, hodi estabelese Gabinéte Fronteira Terrestre no Marítima.
Projetu Dekretu-Lei ne’e aprezenta hosi Primeiru-Ministrus, Kay Rala Xanana Gusmão ho objetivu atu define estrutura no kompeténsia Konsellu bá Delimitasaun Definitiva Fronteiras Marítimas, ne’ebé konsentra ba esforsu no rekursu ba prosesu negosiál iha Gabinete Fronteiras Terrestre no Marítimas, iha Primeiru-Ministru ninia okos.
Lee Mós: Xanana Agradese Ekipa RI-TL Ne’ebé ho Sakrifísiu Finaliza Markasaun Fronteira Terrestre
“Ne’e atu bele define kondisaun no objetivu nessesáriu sira ne’ebé fó dalan atu konklui tratadu ne’ebé estabelese fronteira terrestres no marítimas ho Repúblika Indonézia,” Hatutan.com sita komunikadu.
Diploma ida-ne’e mós atu apoia Primeiru-Ministru iha negosiasaun bá delimitasaun definitiva fronteiras ho Indonézia.
GFTM mós sei responsável hodi tulun Primeiru-Ministru hodi halo konseitu, dezenvolve no implementa polítika “Ekonomia Azul” Timor-Leste nian.
Jornalista: Rogério Pereira Cárceres
