Pasiente Vulnerável Iha HNGV Simu Parsela Natál Hosi Prezidente Repúblika

Hatutan.com, (19 Dezembru 2023), Díli—Prezidente Repúblika (PR), José Ramos-Horta fahe parselas Natál ba pasiente vulnerável sira ne’ebé mai hosi Munisípiu no hala’o tratamentu iha Hospitál Nasionál Guido Valadares (HNGV).

Prezidente Repúblika (PR), José Ramos-Horta fahe parselas Natál ba pasiente vulnerável sira ne’ebé mai hosi Munisípiu no hala’o tratamentu iha Hospitál Nasionál Guido Valadares (HNGV), Segunda (19/12/2023). Foto: Elio dos Santos da Costa.

Parselas Natál ne’e kompleta ho nesesidade bázika inklui ho orsamentu balun atu pasiente sira bele utiliza durante selebrasaun Natál no tinan foun iha ospitál.

Lee Mós: Prezépiu Natál Nu’udár Atrasaun Turizmu Relijiozu Úniku

Ramos-Horta hateten, vizita ne’e fó mós sesta bázika bá ema moras balun,no sasán sira ne’e kompletu,  sosa diretamente lori mai fahe bá ema moras sira, ho osan oitoan tuir lista ne’ebé Prezidensia Repúblika simu.

“Prezente ne’ebé fó ne’e bá de’it pasiente sira ne’ebé vulnerável liu, ba sira ne’ebé mai hosi munisípiu atu sira bele uza bá tempu Natal,” Ramos-Horta hateten iha HNGV, Bidau, Tersa (19/12/2023).

Iha fatin hanesan, Ministra Saúde, Elia dos Reis Amaral hateten, parselas ne’ebé Xefe Estadu fó bá de’it pasiente sira ne’ebé vulnerável no sira ne’e identifikadu antes.

Pasiente hirak ne’ebé simu mak sira ne’ebé vulnerável liu no mai hosi munisípiu ho razaun hirak ne’e mak Xefe Estadu oferese parsela sira ne’e.

Iha vizita ne’e Prezidente Repúblika observa direta kondisaun pasiente sira, haree mós fasilidade no ekipamentu sira inklui haree besik liu tán sistema atendimentu saúde iha HNGV.

Jornalista: Vito Salvadór