PLP Preokupa ho Situasaun Komisaun Anti Korrupsaun

Hatutan.com, (06 Janeiru 2024), Díli– Bankada  Partidu Libertasaun Populár (PLP) husu bá IX Governu Konstitusionál atu buka solusaun, liuliu konsensu polítika hodi aselera eleisaun bá Komisáriu Komisaun Anti Korrupsaun (CAC, sigla portugés).

Lee Mós: Posibilidade Mosu Kandidatu Foun bá Komisáriu CAC

Edífisiu CAC iha Farol, Díli. Foto/Tome da Silva

Membru PN hosi Bankada PLP, Ermengilda da Costa Laurentina, hateten to’o agora laiha  sinal para esforsu bele iha konsensu atu bele ultrapasa tiha sitasaun vákuu iha CAC.

“Ita ko’alia kona-bá atu kombate korrupsaun, bainhira laiha lideransa ida atu haree instituisaun importante ne’e, oinsá, kuaze tempu naruk ona kuaze nune’e hela de’it. Husu bá Governu hodi halo konsensu polítiku aprezenta nomeiasaun Komisáriu CAC iha tempu besik,” Deputada Ermengilda da Costa Laurentina hateten iha nia intervensaun iha plenária PN, Tersa (06/02/2024).

Biban ne’e, Vise-Ministru asuntu Parlamentár Áderito da Costa Hugo hateten, IX Governu sei akompaña prosesu komunikasaun hosi bankada sira hotu, nune’e sei aprezenta submisaun kandidatu foun iha tempu badak.

“Ami rona sei tilun analisazaun bá jestu sira komunikasaun, jestu sira ne’ebé bankada sira halo. Imi hotu hatene bankada hotu ne’ebé iha bá rekejitu ida 49 ne’e sé sem bankada FRETILIN laiha dalan bankada Governu iha 37 bele tama tán bankada sira seluk mós la to’o tenke inklui bankada FRETILIN ami analiza katak hosi jestu komunikasaun sira no sei aprezenta submisaun iha tempu badak,” Vise-Ministru asuntu parlamentár Áderito da Costa Hugo haktuir bá jornalista sira iha PN.

Jornalista Estajiária: Zita Menezes