Sasán ilegal ne’ebé UPF halo apreensaun iha Fronteira Batugade, Domingu kalan (18/02/2024). Foto/Espesiál
UPF mós halo detensaun bá sidadaun Indonézia ka WNI (Warga Negara Indonesia) na’in-rua nu’udár suspeitu bá kazu hatama sasán ilísitu hira-ne’e. WNI na’in-rua ne’e hela kileur ona iha Suku Batugade, Postu Administrativu Balibo, Munisípiu Bobonaro.
Komandante UPF, Superintendente Euclides Belo, hateten sira-nia parte halo ona auto notísia, inklui entrega mós objetu krime sira-ne’e bá Ministériu Públiku Maliana.
Advertisement
“Halo ona auto partisipasaun bá objetu no suspeitu na’in-rua ne’ebé mak nain bá objetu hirak ne’e, auto partisipasaun ne’e entrega ona bá MP Maliana hodi halo prosesu kontinuasaun,” Superintendente Polísia Euclides Belo haktuir hodi responde Hatutan.com iha Díli, Tersa (20/02/2024).
Euclides esplika kuando prosesa ona bá MP ne’e kompetensia MP nian no auto partisipasaun ne’ebé mak UPF halo numeru 53/UPF /fevereiru/2024 seksaun operasaun UPF nian halo kordenasaun ho polísia Batugade.
“Auto partisipasaun ami entrega tiha ona bá MP, materia balun selijidu tebes, rezerva bá kompetensia MP nia hodi bele halo prosesu kontinuasaun,” Euclides Belo hateten.