Nasionál
EDTL, E.P Tenke Kontrola Másimu Ligasaun Ilegál
Hatutan.com, (18 Marsu 2024), Díli- Membru Parlamentu Nasionál hosi Bankada CNRT, Gabriel Soares, husu bá Elastisidade Timor-Leste Empreza Públiku (EDTL,E.P) atu halo kontrolu másimu bá abitante sira ne’ebé halo ligasaun ilegál bá eletrisidade.
Lee Mós: CAC Halibur Informasaun Liga ho Projetu Adjudikasaun Direta iha EDTL,E.P
Edífisiu EDTL,E.P iha Caicoli, Díli. Foto/Elio dos Santos da Costa
Deputadu Gabriel Soares, aprezenta prova liuhosi plenária PN, Segunda (18/03/2024), katak iha uma-kain 70 mak dada ahi eletrisidade ilegál iha Suku Abion, Postu Administrativu Barique, Munisípiu Manatuto. Nune’e, husu EDTL,E.P atu halo kontrolu másimu bá iha kliente EDTL,E.P tanba sei iha indivíduu balun dada hela ahi eletrisidade ilegál.
Nia dehan aktu ilegál ne’e fó presájiu bá Estadu tanba ne’e tenke identifika autór sira no fó sansaun tuir lei vigora. Liuhosi plenária PN ne’e Vise-Ministru asuntu Parlamentár, Áderito da Costa Hugo haktuir asuntu eletrisidade ne’e Governu sei submete bá parte EDTL,E.P hodi haree asuntu refere.
Jornalista Estajiária : Zita Menezes