Polítika
Bankada CNRT Apoia PM Xanana Halo Remodelasaun
Hatutan.com, (01 Abríl 2024), Díli– Bankada CNRT iha Parlamentu sei apoiu desizaun hotu hosi Primeiru-Ministru Kay Rala Xanana Gusmão, kona-bá atu halo remodelasaun bá membru IX Governu Konstitusionál.
Lee Mós: Bankada FRETILIN Sujere Remodelasaun bá Hadi’a Dezempeñu Governu
Bandeira Partidu CNRT. Foto/Dok. Espesiál
“Hanesan bankada Governu, ami sustenta Governu ida-ne’e, au-mézmu tempu bankada Governu ne’e forma husi Partidu rua; Partidu CNRT no PD. Nu’udár bankada Governu, ami apoiu saida mak Primeiru-Ministru sei hola nu’udár ninia desizaun,” membru PN hosi Bankada CNRT, Patrocínio dos Reis Fernandes hateten iha PN, Segunda (01/04/2024).
Deputadu Patrocínio dos Reis Fernandes dehan nia laiha kompeténsia atu fó komentáriu kona-bá remodelasaun, tanba kompeténsia Primeiru-Ministru, Kay Rala Xanana Gusmão, no Ministru Prezidénsia Konsellu Ministru Agio Pereira, mak bele pronúnsia bá públiku.
Jornalista Estajiária: Zita Menezes