Hatutan.com, (15 Abríl 2024), Díli—Primeiru-Ministru (PM), Kay Rala Xanana Gusmão, domingu (14/04/2024) ho delegasaun kontinua viajen hosi Reinu Unidu bá país Grécia.
Primeiru-Ministru (PM), Kay Rala Xanana Gusmão, domingu (14/04/2024) ho delegasaun kontinua viajen hosi Reinu Unidu bá país Grécia. Foto: Média PM.
Xefe Governu ho delegasaun to’o iha Aeroportu Internasionál Atenas (kapitál Grécia) simu hosi Embaixadór Timor-Leste iha Brusselas, Jorge Trindade Camões akompaña hosi Diretora Nasionál Ministériu Negósiu Estranjeiru no Kooperasaun (MNEK), iha Europa no Áfrika, Josefina Tilman.
Eventu ne’e sei hala’o iha salaun Salaun Kovensaun King Hussein Bin Talal, Hilton Dead Sea, Atenas partisipa hosi Xefe Estadu no Xefe Governu, no organizasaun internasionál sira hodi hato’o sira-nia hanoin durante konferénsia, hodi servisu hamutuk hodi proteje tasi ne’ebé moos no saudável.
Eventu internasionál ne’e, sei diskute temátika importante sira hanesan, hametin kooperasaun hamutuk atu proteje tasi, diskute kontinuasaun kooperasaun ba ekonomia azúl, mudansa klimátika, seguransa ba marrítima, kontrolu no kuidadu tasi ne’ebé moos no asuntu seluk-tán.
Primeiru-Ministru, Kay Rala Xanana Gusmão sei hato’o mós palestra hamutuk ho bainaka impotante sira hanesan, Primeiru-Ministru São Tomé Príncipe, Patrice Emery Trovoada, Primeiru-Ministru Cavo-Verde, Ulysses Correia e Silva no seluk-tán.