Xanana Konvida Sylvia Earle Atu Fahe Esperiénsia bá TL Kona-bá Kuidadu Tasi

Hatutan.com, (20 Abríl 2024), Díli— Primeiru-Ministru (PM), Kay Rala Xanana Gusmão konvida Péritu American Marine Biologist and Oceanographer, Sylvia Earle atu hala’o vizita mai Timor-Leste (TL) hodi fahe esperiénsia kona-bá diviorsidade tasi nian.

Primeiru-Ministru (PM), Kay Rala Xanana Gusmão konvida Péritu American Marine Biologist and Oceanographer, Sylvia Earle atu hala’o vizita mai Timor-Leste (TL) hodi fahe esperiénsia kona-bá diviorsidade tasi nian, hafoin partisipa abertura konferénsia Oseanu “Ita Nia Tasi” bá dala-sia iha kapitál Atenas, Grécia. Foto: Média PM.

Xefe Governu hasoru-malu ho Péritu Sylvia Earle hafoin partisipa abertura konferénsia Oseanu “Ita Nia Tasi”  bá dala-sia iha kapitál Atenas, Grécia.

Lee Mós: PM Xanana ho PM Dominica Roosevelt Skerrit Diskute Kooperasaun Rai-Rua

“H𝐚𝐬𝐨𝐫𝐮 𝐬𝐞𝐧̃𝐨𝐫𝐚 𝐒𝐲𝐥𝐯𝐢𝐚 𝐄𝐚𝐫𝐥𝐚, 𝐡𝐨𝐬𝐢 𝐀𝐦𝐞𝐫𝐢𝐜𝐚𝐧 𝐌𝐚𝐫𝐢𝐧𝐞 𝐁𝐢𝐨𝐥𝐨𝐠𝐢𝐬𝐭 𝐚𝐧𝐝 𝐎𝐜𝐞𝐚𝐧𝐨𝐠𝐫𝐚𝐩𝐡𝐞𝐫. M𝐮𝐧𝐝𝐮 𝐭𝐨𝐦𝐚𝐤 𝐤𝐨𝐧̃𝐞𝐬𝐞 𝐧𝐨 𝐛𝐨𝐥𝐮 𝐧𝐢𝐚 𝐡𝐚𝐧𝐞𝐬𝐚𝐧 𝐑𝐞𝐢𝐧𝐚 𝐝𝐞 𝐏𝐨𝐫𝐟𝐮𝐧𝐢𝐝𝐚𝐝𝐞. K𝐨𝐧𝐯𝐢𝐝𝐚 𝐧𝐢𝐚 𝐡𝐚𝐤𝐚𝐫𝐚𝐤 𝐛á 𝐭𝐨’𝐨 𝐓𝐢𝐦𝐨́𝐫 Letse 𝐡𝐨𝐝𝐢 𝐟𝐚𝐡𝐞 𝐞𝐬𝐩𝐞𝐫𝐢𝐞́𝐧𝐬𝐢𝐚 𝐛𝐚𝐥𝐮𝐧 𝐡𝐨𝐬𝐢 𝐧𝐢𝐚 𝐡𝐨𝐝𝐢 𝐡𝐚𝐭𝐨’𝐨 𝐛á 𝐬𝐨𝐬𝐢𝐞𝐝𝐚𝐝𝐞 𝐚𝐭𝐮 𝐢𝐡𝐚 𝐢𝐭𝐚 𝐡𝐨𝐭𝐮-𝐡𝐨𝐭𝐮 𝐭𝐞𝐧𝐤𝐢 𝐢𝐡𝐚 𝐤𝐨𝐧𝐬𝐢𝐞́𝐧𝐬𝐢𝐚 𝐚𝐭𝐮 𝐤𝐮𝐢𝐝𝐚𝐝𝐮 𝐧𝐨 𝐩𝐫𝐨𝐭𝐞𝐣𝐞 𝐢𝐭𝐚-𝐧𝐢𝐚 𝐭𝐚𝐬𝐢 𝐧𝐨 𝐥𝐚𝐛𝐞𝐥𝐞 𝐞𝐬𝐭𝐫𝐚𝐠𝐚, 𝐭𝐚𝐧𝐛𝐚 𝐭𝐚𝐬𝐢 𝐦𝐚𝐤 𝐟𝐨́ 𝐡𝐚𝐡á𝐧 𝐧𝐨 𝐭𝐚𝐬𝐢 𝐦𝐚𝐤 𝐟𝐨́ 𝐨𝐱𝐢𝐣𝐞́𝐧𝐢𝐚 𝐛á 𝐫𝐚𝐢 𝐭𝐨𝐦𝐚𝐤,” Hatutan.com sita deklarasaun Xefe Governu iha komunikadu.

American Marine Biologist and Oceanographer, Sylvia Earle sente kontente tebes hosoru-malu ho PM Xanana hodi fahe esperiénsia bá malu.

“𝐇𝐚’𝐮 𝐤𝐨𝐧𝐭𝐞𝐧𝐭𝐞 𝐭𝐞𝐛𝐞𝐬 𝐛𝐞𝐥𝐞 𝐡𝐚𝐬𝐨𝐫𝐮-𝐦𝐚𝐥𝐮 𝐡𝐢𝐤𝐚𝐬 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 Kay Rala 𝐗𝐚𝐧𝐚𝐧𝐚 Gusmão 𝐡𝐨 𝐝𝐞𝐥𝐞𝐠𝐚𝐬𝐚𝐮𝐧 𝐆𝐚𝐛𝐢𝐧𝐞𝐭𝐞 𝐅𝐫𝐨𝐧𝐭𝐞𝐢𝐫𝐚 𝐌𝐚𝐫𝐫𝐢́𝐭𝐢𝐦𝐚 𝐓𝐢𝐦𝐨𝐫-𝐋𝐞𝐬𝐭𝐞 nian 𝐢𝐡𝐚-𝐧𝐞’𝐞. H𝐚’𝐮 𝐡𝐨 𝐞𝐤𝐢𝐩𝐚 𝐬𝐞𝐢 𝐡𝐚𝐥𝐚’𝐨 𝐯𝐢𝐳𝐢𝐭𝐚 𝐛á 𝐓𝐢𝐦𝐨𝐫,” Sylvia kompromete iha komunikadu.

Xefe Governu ho kontente tara tais no entrega kafé Timor-Leste bá Sylvia Earle ho nia ekipa hodi hato’o bem-vidu bá ninia vizita ne’ebé sei hala’o iha Timor-Leste iha fulan Maiu nia laran.

Sylvia Earle nu’udár belun di’ak bá Xefe Governu Xanana Gusmão ne’ebé koñese-malu hodi fahe esperiénsia barak bá Timor-Leste kona-bá fronteira tasi no oinsá halo jestaun atu kuidadu ambiente tasi hodi fó moris bá balada no natureza sira ne’ebé moris iha tasi-laran.

Sylvia Earle moris iha loron 30 Agusto 1935 iha Gibbstown, New Jersey no hela ho nia familia sira. Nia nu’udár péritu biologia kona-bá tasi nian ne’ebé koñesidu iha mundu no sai nu’udár feto dahuluk ne’ebé lidera Organizasaun Oseanografia no Atmosfer Nasionál no fahe esperiénsia bá rai barak kona-bá konservasaun tasi.

Nia mós sai nu’udár feto dahuluk iha mundu ne’ebé halo estudu no peskiza oinsá luku bá tasi laran uza oksijénia ne’ebé ohin loron ema iha mundu uza hodi luku bá tasi no halo dokumentasaun vídeo no fotografia oin-oin kona-bá tasi no badala sira ne’ebé moris furak iha tasi laran.

Jornalista: Rogério Pereira Cárceres