Uniaun Europeia Apoiu Millaun $3 bá Parlamentu Nasionál

Hatutan.com, (03 Jullu 2024), Díli-Parlamentu Nasional hanesan benefisiáriu bá pakote progresu servisu hamutuk Uniaun Europeia nian, ho nune’e Uniaun Europeia sei apoiu millaun $3 bá interese sira servisu hamutuk ne’e.

Lee Mós: PN Servisu Hamutuk ho Uniaun Europeia Haree Jestaun Finansas Públika iha Timor-Leste

Prezidente PN, Maria Fernanda Lay. Foto/Hatutan.com

Iha Karta (03/07/2024), Embaixada Uniaun Europeia iha Timo-Leste hamutuk ho sira-nia ekipa International Comission of Commers (ITC) hasoru malu ho Prezidente Parlamentu Nasionál (PPN), Maria Fernanda Lay hodi ko’alia bá malu kona-bá servisu hamutuk ho apoiu montante osan millaun $3 ne’e.

“Sorumutuk ne’e ami haree liubá formasaun no matéria saida mak ita presiza no espera katak reuniaun tuir mai matéria saida mak parlamentu presiza no formasaun saida mak parlamentu presiza bele servisu hamutuk ho Uniaun Europeia,” PPN Maria Fernanda Lay informa bá jornalista sira hafoin enkontru ho ekipa sira Uniaun Europeia nian iha PN.

Iha fatin hanesan ofisial manager Uniaun Europeia,  Antonio  Gill Lobit  informa katak,  Uniaun Europeia bele fó apoiu  ba Governu no PN   inklui setór privadu no sosiedade  sivíl, kona-bá atividade hotu  ne’ebé  komunika adezaun bá Organizasaun Mundial Komérsiu (OMK)  inklui prosesu adezaun TL ba ASEAN.

Komponente seluk ne’ebé Uniaun Europeia fó apoiu tékniku no formasaun bá PN ho Governu ba dezenvolve lejizlasaun ba membru Governu halo semináriu no formasaun ba sosiedade sivíl no setór privadu, no komponente ikus ne’e  mak  fó kapasitasaun koñesimentu bá Timoroan kona-bá saida mak  ASEAN no saida mak OMK.

Sesaun boot ne’ebé  fó apoiu ba Timor-Leste mak benefísiu ne’e envolve saida no iha komponente tolu ne’e mak Uniaun Europeia  mós hakarak fó apoiu bá setór privadu.

Jornalista Estajiária: Isabel Pires